Rəşad Hüseynov

İqtisadi İslahatların Təhlili və Kommunikasiya Mərkəzinin icraçı direktorunun müavini

12 sentyabr 1981-ci ildə Azərbaycan Respublikasının Gəncə şəhərində anadan olub.

Təhsili

1998-2002-ci illərdə Azərbaycan Dövlət Aqrar Universitetinin İqtisadiyyat fakültəsində bakalavr təhsili alıb və fakültəni fərqlənmə diplomu ilə bitirib.

2004-2006-cı illərdə Almaniyanın Vayştefan Universitetində biznesin idarə edilməsi ixtisası üzrə MBA təhsili alıb.

2007-2009-cu illərdə Almaniyanın Bonn Universitetində qida və resursların iqtisadiyyatı ixtisası üzrə ikinci magistr təhsili alıb.

2010-2015-ci illərdə Almaniyanın Bonn Universitetinin İqtisadi və Aqrar Siyasət İnstitutunda doktorantura təhsilini fərqlənmə diplomu ilə bitirib. Azərbaycan Respublikası Prezidenti yanında Ali Attestasiya Komissiyasının qərarına əsasən, iqtisad elmləri namizədi elmi dərəcəsinə layiq görülüb.

Pedaqoji fəaliyyəti

2016-cı ildən ADA və Xəzər universitetlərində "İdarəetmə iqtisadiyyatı", "Mikroiqtisadiyyat", "İnkişaf iqtisadiyyatı", "İctimai iqtisadiyyat" və "Kənd təsərrüfatının iqtisadiyyatı və aqrar siyasət" mövzuları üzrə tədris fəaliyyəti ilə məşğul olur.

Əmək fəaliyyəti

2016-cı ildə Azərbaycan Respublikası İqtisadi İslahatların Təhlili və Kommunikasiya Mərkəzinin Layihələr departamentinin rəhbəri vəzifəsində çalışıb.

2020-2022-ci illərdə İqtisadi İslahatların Təhlili və Kommunikasiya Mərkəzinin İqtisadi təhlil və analitik informasiya departamentinin rəhbəri vəzifəsində çalışıb.

2023-cü ilin fevral ayında İqtisadi İslahatların Təhlili və Kommunikasiya Mərkəzinin icraçı direktorunun müavini vəzifəsinə təyin olunub. 

Asiya İnkişaf Bankı (ADB), BMT-nin Kənd Təsərrüfatı və Ərzaq Təşkilatı (FAO), BMT-nin İnkişaf Proqramı (UNDP), Almaniya Beynəlxalq Əməkdaşlıq Agentliyinin (GİZ) icra etdikləri layihələrdə məsləhətçi kimi fəaliyyət göstərib.

Azərbaycan, alman, ingilis və rus dillərini bilir.

Ailəlidir, üç övladı var.