Startup School 4: Beş Qitə – 500 Startap proqramı dünyanın müxtəlif ölkələrindən startapları, ekspertləri, mentorları, investorları və innovasiya ekosisteminin digər iştirakçılarını bir araya gətirərək bilik mübadiləsi, beynəlxalq şəbəkələşmə və yeni əməkdaşlıq imkanları üçün platforma yaradır. Demo Day 2026 proqramın yekun mərhələsidir: seçilmiş startaplar həllərini beynəlxalq auditoriyaya təqdim edir, investorlar və tərəfdaşlarla birbaşa əlaqə qurur.

Proqramın dördüncü buraxılışına 15 ölkədən 350-yə yaxın müraciət daxil olmuş, seçim nəticəsində 233 startap komandası proqrama qəbul edilmişdir. Təlim mərhələsində 11 modul üzrə 20 sessiya keçirilmiş, 13 ölkədən 30-a yaxın təlimçi və mentor proqrama töhfə vermişdir. Demo Day çərçivəsində startap sərgisi, pitch yarışması, panel müzakirələri və mükafatlandırma mərasimi nəzərdə tutulur. Tədbir İqtisadi İslahatların Təhlili və Kommunikasiya Mərkəzinin (İİTKM) Enterprise Azerbaijan portalı tərəfindən təşkil olunur.