Konfrans Türk Dövlətləri Təşkilatına üzv və müşahidəçi ölkələrin aparıcı milli analitik mərkəzlərini bir araya gətirir. Tədbirin əsas mövzusu davamlı məsləhətləşmələr və birgə tədqiqatlar vasitəsilə TDT çərçivəsində iqtisadi əməkdaşlığın gücləndirilməsidir.

Konfransda ticarət, nəqliyyat, enerji, rəqəmsal iqtisadiyyat, innovasiya və dayanıqlı inkişaf sahələrində əməkdaşlıq imkanları, habelə süni intellekt, fintex və məlumatlara əsaslanan idarəetmə kimi yeni tendensiyalar müzakirə olunacaq. Tədbir İqtisadi İslahatların Təhlili və Kommunikasiya Mərkəzi (İİTKM) tərəfindən Türk Dövlətləri Təşkilatı ilə əməkdaşlıq çərçivəsində təşkil olunur.