23 may 1976-cı ildə Azərbaycan Respublikasının Zərdab şəhərində anadan olub.

Təhsili

1993-1997-ci illərdə Bakı Dövlət Universitetində Tarix fakültəsinin tarix/ölkəşünas ixtisası üzrə bakalavr təhsili alıb.

2001-ci ildə Böyük Britaniyanın Mançester Universitetində biznes və menecment üzrə ixtisaslı menecer proqramının məzunu olub.

2006-2008-ci illərdə Asiya İnkişaf Bankı MBA proqramı ilə Ateneo Universitetində maliyyə ixtisası üzrə magistr dərəcəsi alıb.

2009-cu ildə Harvard Universitetinin Kennedi Məktəbində dövlət maliyyə idarəçiliyi üzrə İdarəetmə Təhsili Proqramının məzunu olub.

2012-2016-cı illərdə Azərbaycan İqtisadiyyat Nazirliyi yanında İqtisadi İslahatlar Elmi-Tədqiqat İnstitutunda fəlsəfə doktoru proqramı üzrə təhsil alıb.

Əmək fəaliyyəti

1997-2001-ci illərdə Bakıda "Memar Co" şirkətində idarəedici direktor,

2001-ci ildə Böyük Britaniyanın "Minale Tattersfield Co" şirkətində iqtisadçı,

2002-ci ildə AR Xarici Işlər Nazirliyində Avropa İttifaqı ilə Azərbaycan arasında Tərəfdaşlıq və Əməkdaşlıq Sazişinin həyata keçirilməsi üzrə layihə eksperti,

2002-2003-cü illərdə AR Xarici İşlər Nazirliyinin Beynəlxalq İqtisadi Əməkdaşlıq İdarəsində,

2003-2005-ci illərdə İqtisadiyyat Nazirliyininin İnvestisiyalar və beynəlxalq iqtisadi əməkdaşlıq departamentinin beynəlxalq maliyyə institutları ilə əməkdaşlıq sektorunda məsləhətçi,

2005-2008-ci illərdə Azərbaycan hökuməti tərəfindən Asiya İnkişaf Bankının Direktorlar Şurasında direktor müşaviri,

2008-2009-ci illərdə USAİD-in Dövlət Büdcəsi İslahatları layihəsində iqtisadçı,

2009-2011-ci illərdə İqtisadiyyat Nazirliyində Avropa İttifaqının "İqtisadiyyat Nazirliyinin Potensialının Gücləndirilməsinə Dəstək" layihəsində xarici ticarət siyasəti məsələləri üzrə iqtisadçı,

2011-2013-cü illərdə USAİD-in “Azərbaycanda Rəqabətlilik və Ticarət” layihəsində baş iqtisadçı,

2016-2020-ci illərdə İqtisadi İslahatların Təhlili və Kommunikasiya Mərkəzinin strateji təhlil və planlaşdırma meneceri olub.

2020-ci ildən İqtisadi İslahatların Təhlili və Kommunikasiya Mərkəzində Layihələr departamentinin rəhbəri vəzifəsində çalışıb. 2023-cü ilin fevral ayında Mərkəzdə aparılmış struktur islahatları nəticəsində Layihələr departamenti ləğv olunub. Bu səbəbdən qurumun Strateji planlaşdırma şöbəsinin baş məsləhətçisi təyin olunub. 

2024-cü ilin aprel ayından İqtisadi İslahatların Təhlili və Kommunikasiya Mərkəzinin Türk Dünyası Araşdırmalar Mərkəzinin rəhbəridir. 

Azərbaycan, ingilis və rus dillərini bilir.

Ailəlidir, iki övladı var.