Vüsal Qasımlı AzMİU-da “Orta Dəhliz” kitabını təqdim edib

Vüsal Qasımlı AzMİU-da “Orta Dəhliz” kitabını təqdim edib

İqtisadi İslahatların Təhlili və Kommunikasiya Mərkəzinin (İİTKM) icraçı direktoru, prof. Vüsal Qasımlı Azərbaycan Memarlıq və İnşaat Universitetinin (AzMİU) 50 illik yubileyi münasibətilə keçirilən “Azərbaycanın inkişaf perspektivləri və Orta Dəhliz” mövzusundakı elmi seminarda məruzə ilə çıxış edib. O, “Orta Dəhliz: cari reallıqların təhlili və perspektivlərin dəyərləndirilməsi” (The Middle Corridor: Navigating Current Realities and Embracing Future Prospects) kitabını təqdim edib.

AzMİU-nun professor-müəllim heyəti və magistr tələbələrinin iştirak etdiyi tədbirdə Vüsal Qasımlı bildirib ki, “Orta Dəhliz” kitabı İİTKM ilə İqtisadi Əməkdaşlıq və İnkişaf Təşkilatı (OECD) və CAREC (Mərkəzi Asiya Regional İqtisadi Əməkdaşlıq) İnstitutu arasında tərəfdaşlıq nəticəsində 10 ölkədən (Azərbaycan, Türkiyə, Qazaxıstan, Çin, Böyük Britaniya, Serbiya, Pakistan, Avstriya, İspaniya və Meksika) 22 alim tərəfindən yazılıb. Kitabı Avropanın nüfuzlu elmi nəşriyyatı olan Tarqu Mureş Universitet Nəşriyyatı (University Press Târgu Mureş) tərəfindən ingilis dilində çap edilib.

İİTKM-in icraçı direktoru Azərbaycanın inkişaf perspektivləri və Orta Dəhliz mövzusunda geniş məruzə edib və tədbir iştirakçılarının suallarını cavablandırıb.

AzMİU-nun rektoru, memarlıq doktoru, professor Gülçöhrə Məmmədova Vüsal Qasımlıya məzmunlu çıxışına görə minnətdarlığını bildirib.

Vüsal Qasımlı AzMİU-da “Orta Dəhliz” kitabını təqdim edib
Vüsal Qasımlı AzMİU-da “Orta Dəhliz” kitabını təqdim edib
Vüsal Qasımlı AzMİU-da “Orta Dəhliz” kitabını təqdim edib
Vüsal Qasımlı AzMİU-da “Orta Dəhliz” kitabını təqdim edib
Vüsal Qasımlı AzMİU-da “Orta Dəhliz” kitabını təqdim edib