İqtisadi İslahatların Təhlili və Kommunikasiya Mərkəzinin təsisçisi olduğu “İqtisadi islahatlar” elmi-analitik jurnalının 2025-ci ildəki ilk, ümumilikdə isə 12-ci sayı çap olunub (https://ereforms.gov.az/az/publications/37) .

Jurnalın bu sayında ölkə iqtisadiyyatının mühüm sahələrinə həsr edilən Azərbaycan və ingilis dilində on məqalə nəşr edilib:

• "Azərbaycanın dayanıqlı inkişaf yolu: Ekoloji bərpa, yaşıl enerji və karbon emissiyasının azaldılması";
• "Beynəlxalq nəqliyyat dəhlizləri: Milli və qlobal çağırışlar";
• "Azərbaycanın xarici ticarətində məzənnə dəyişikliyinin izi: J-Əyrisi və Marşall-Lerner şərtinin empirik qiymətləndirilməsi";
• "Ali təhsil müəssisələrində elmi tədqiqat fəaliyyətinin artırılmasında differensial əməkhaqqı sistemlərinin əhəmiyyəti";
• "Ümumi makroiqtisadi tarazlıq və səmərəlilik məsələləri";
• "Dayanıqlı inkişaf konsepsiyasının sosial-iqtisadi aspektləri";
• "Azərbaycanda günəş panellərinin fərdi mənzillərə quraşdırılmasının texniki, iqtisadi və ekoloji aspektlərinin araşdırılması"           
• "Bərk məişət tullantılarının idarə olunması: Çağırışlar və perspektivlər";
• "Vergi və sosial xərclərin gəlir bərabərsizliyinə təsirinin qiymətləndirilməsi: Azərbaycan nümunəsində empirik təhlil";
• "Transmilli şirkətlərin xarici birbaşa investisiyalarının ÜDM-ə təsiri: Azərbaycan üzrə empirik sübutlar".

Məlumat üçün qeyd edək ki, “İqtisadi islahatlar” elmi-analitik jurnalının nüfuzunun artması və beynəlxalq bazalarda indeksləşdirilməsi istiqamətindəki fəaliyyəti də müsbət nəticəsini verir. Artıq jurnalımızın redaksiya heyətinə xaricdən nüfuzlu alimlər cəlb edilib. Digər tərəfdən, jurnal elmi məlumat bazası olan “RePEc”-ə (Research Papers in Economics) inteqrasiya olunub. Həmçinin “İqtisadi islahatlar” jurnalında çap olunan məqalələr həm “IDEAS”, həm də “EconPapers” platformalarında oxuculara təqdim olunur.

Jurnala məqalə təqdim etmək istəyən tədqiqatçıların isə nəzərinə çatdırırıq ki, artıq 13-cü say üçün məqalə qəbulu başlayıb. Məqalələrinizi onlayn qaydada jurnala təqdim edə bilərsiniz: https://journal.ereforms.org/az/submit-article