Azərbaycan Respublikası Prezidentinin 2022-ci il 4 aprel tarixli 3199 nömrəli Sərəcamı ilə təsdiqlənən “Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı”nın tələblərinə uyğun olaraq  İqtisadi İslahatların Təhlili və Kommunikasiya Mərkəzi tərəfindən 2025-ci il üçün İş Planı hazırlanıb.

Kollektivinin iştirakı ilə keçirlən iclasda icraçı direktorun müavini Ramil Hüseyn  bildirib ki, İİTKM-in “Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı”nda  nəzərdə tutulan tədbirlərin icrası üzrə  2024-cü il üçün iş planının icrasının yekunları ilə bağlı məlumat verib. O, qeyd edib ki, 2024-cü il üzrə iş planında qarşıya qoyulan bütün məsələlər vaxtında icra olub və Azərbaycan Respublikasının Korrupsiyaya qarşı mübarizə üzrə Komissiyasına təqdim olunmaq üçün hesabatın layihə hazırlanıb.  

Həmçinin 2024-cü ildə “İqtisadi İslahatların Təhlili və Kommunikasiya Mərkəzində işə qəbul və işdən azad edilmə haqqında təlimat” təsdiqlənib və tətbiq olunub.

R.Hüseyn vurğulayıb ki, 2024-ci il ərzində Mərkəzin 22 əməkdaşı Milli Fəaliyyət Planının tələbinə uyğun olaraq müvafiq təlimə cəlb edilib. Xüsusən də hüquqşünas tərəfindən İİTKM yeni işə qəbul olunan bütün əməkdaşlara Milli Fəaliyyət Planının tələbləri izah olunub.

Daha sonra Mərkəzin hüquqşünası Nigar Hafizqızı “Korrupsiyaya qarşı mübarizənin gücləndirilməsinə dair 2022─2026-cı illər üçün Milli Fəaliyyət Planı”nın tələblərinə uyğun olaraq  2025-ci il üçün hazırlanan İş Planının layihəsi barədə çıxış edib. O,  2025-ci ilin iş planının hər bir tədbir ilə bağlı əməkdaşlara məlumat verərək məsul şəxslərin görəcəyi işlərin izah edib.