---

7 Aprel 1975-ci il tarixində Azərbaycan Respublikası İmişli şəhərində anadan olub.

Təhsili

1992-1997-ci illərdə Azərbaycan Dövlət İqtisad Universitetində ali təhsil alıb.

2004-cü ildə Gürcüstan İctimai Əlaqələr İnstitutunda Jurnalistika ixtisası üzrə ikinci magistr təhsili alıb.

2009-cu ildə iqtisad üzrə fəlsəfə doktoru və 2017-ci ildə iqtisad elmləri doktoru alimlik dərəcəsini müdafiə edib.

2021-ci ildə Harvard Universitetinin Kennedi İdarəçilik Məktəbində "İqtisadi artımın idarəedilməsi" mövzusunda rəhbər kadrlar proqramının məzunu olub.

2022-2023-cü illərdə Oksford Universitetində strategiya və innovasiya üzrə magistr (Postgraduate Diploma) təhsili alıb.

Elmi və pedaqoji fəaliyyəti

2010-2014-cü illərdə UNEC-də Xüsusi İstedadlar Qrupu və MBA proqramı üzrə pedaqoji fəaliyyətlə məşğul olub.

Harvard Universiteti, Vaşinqton Universiteti, Kaliforniya Universiteti, Qahirə Amerika Univeristeti, Seulun Hanyan və Hankuk Universitetləri və Rio-de-Janeyro Universitetində ictimai mühazirələr oxuyub.

2013-cü ildə Koreya Beynəlxalq İqtisadi Siyasət İnstitutunda qonaq alim kimi çalışıb.

2013-cü ildə dosent elmi adı verilib.

2020-ci ildən Prezident yanında Dövlət İdarəçilik Akademiyasında professor vəzifəsində çalışır.

Azərbaycan, rus, ingilis və digər dillərdə 15 kitabı və 500-ə qədər elmi və publisistik məqaləsi, o cümlədən iki dərslik, iki dərs vəsaiti, iki dərs proqramı və iki monoqrafiyası var.

Əmək fəaliyyəti

2000-2003-cü illərdə "Ekspress" qəzetinin redaksiyasında iqtisadi məsləhətçi,

2005-ci ildə  “ANS-PRESS Nəşriyyat evi” MMC-də iqtisadi icmalçı,

2005-2007-ci illərdə “ANS-PRESS Nəşriyyat evi” MMC-də prezident olub.

2009-2011-ci illərdə Azərbaycan İctimai-Siyasi Universitetində kafedra müdirinin müavini olub.

2007-2011-ci illərdə Avropa İttifaqı, Dünya Bankı, Yaponiya Beynəlxalq Əməkdaşlıq Təşkilatının (JİCA) və bir sıra beynəlxalq qurumların həyata keçirdiyi layihələrdə çalışıb.

2011-2016-cı illərdə Azərbaycan Respublikasının Prezidenti yanında Strateji Araşdırmalar Mərkəzinin İqtisadiyyatın təhlili və qloballaşma məsələləri şöbəsinin müdiri vəzifəsində işləyib.

2015-ci ildə Böyük İyirmiliyin beyin mərkəzlərinin T20 platformasında Azərbaycanı təmsil edib.

2016-cı ildə Asiya İnkişaf Bankının iqtisadi inkişaf məsələləri üzrə məsləhətçisi olub.

2016-cı ildən Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktorudur.

2021-ci ildə BMT-nin Asiya və Sakit Okean Komissiyasının milli koordinatoru təyin olunub.

Təltifləri

2012-ci ildə Astana İqtisadi Forumunun və Avrasiya Alimlərinin İqtisadi Klubunun mükafatını alıb.

2018-ci ildə Azərbaycan Respublikasının Prezidenti İlham Əliyevin Sərəncamı ilə "Tərəqqi" medalı ilə təltif edilib.

2022-ci ildə "Azərbaycan Respublikası Müdafiə Sənayesi Nazirliyinin 15 illiyi (2005–2020)" yubiley medalı ilə təltif edilib.

2024-cü ildə Azərbaycan Respublikasının Prezidenti İlham Əliyevin Sərəncamı ilə "Heydər Əliyevin 100 illiyi (1923–2023)" yubiley medalı ilə təltif edilib.

Vüsal Qasımlı Azərbaycan, ingilis, rus və A1 səviyyədə ispan dillərini bilir.

Ailəlidir, üç övladı var.