“Startup School 2”də bu dəfə maliyyə idarəçiliyi tədris olunub
İqtisadi İslahatların Təhlili və Kommunikasiya Mərkəzinin operatoru olduğu “Enterprise Azerbaijan” portalının Almaniyanın Süni İntellekt Araşdırma Mərkəzi və ABŞ-ın Nevada Universitetinin Özmən Sahibkarlıq Mərkəzi ilə birgə reallaşdırdığı “Startup School 2 - AI for Green Solidarity” (Yaşıl həmrəylik naminə süni intellekt) layihəsi çərçivəsində daha bir təlim təşkil olunub. “Maliyyə menecmenti” (“Financial Management”) mövzusuna həsr edilmiş budəfəki təlimi Türkiyənin OSTİM Texniki Universitetinin İdarəetmə İnformasiya Sistemləri şöbəsinin İngilis proqramının rəhbəri Dr. Melike Aktaş Bozkurt keçib.
M.Bozkurt bildirib ki, kursun əsas məqsədi tələbələrin minimum kənar maliyyə və digər resurslarla biznesə başlamaları üçün onlarda zəruri bacarıqları formalaşdırmaq, həmçinin onları zəruri alətlərlə təchiz etməkdir. O, ilk dövrlərdə böyük kapital olmadan startapları biznesə çevirməyin və ümumiyyətlə, bu işə başlamağın çətinliklərini aradan qaldırmağın yollarından danışıb. M.Aktaş kapitalın artırılması yollarını açıqlayıb və təşkilati məqsədlərə nail olmaqda strateji maliyyə planlaşdırmasının vacibliyini qeyd edib.
Təlimdə iştirakçılar hər hansı bir şirkətin maliyyəsini effektiv idarə etmək üçün vacib olan müxtəlif aspektlər haqqında məlumatlar əldə ediblər. Əsas diqqət gəlirlilik, likvidlik, səmərəlilik və sabitlik kimi əsas maliyyə məqsədlərinin başa düşülməsinə və balanslaşdırılmasına yönəldilib.
Sessiya zamanı proqnozlaşdırma metodologiyaları araşdırılıb və bazar təhlili üçün “TAM SAM SOM” modeli təqdim olunub. Gələcək maliyyə nəticələrinin proqnozlaşdırılmasında dəqiqliyin və hərtərəfliliyin vacibliyi vurğulanaraq, maliyyə proqnozlaşdırmasının prinsipləri qeyd edilib. Həmçinin maliyyə idarəçiliyində şirkətin fəaliyyətini optimallaşdırmaq və davamlı böyüməsini təmin etmək üçün əsaslandırılmış qərarların qəbulunun vacibliyi vurğulanıb.
Sonda iştirakçılar “Pro Forma Maliyyə Hesabatları” ilə tanış olublar və yeni müəssisələrin gəlir kanallarını qiymətləndirmək üçün vacib olan satış proqnozlarının qurulması üsullarını öyrəniblər.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf