İİTKM-in nümayəndəsi BVF-nin Qazaxıstanda keçirilən beynəlxalq seminarında iştirak edib

İİTKM-in nümayəndəsi BVF-nin Qazaxıstanda keçirilən beynəlxalq seminarında iştirak edib

İqtisadi İslahatların Təhlili və Kommunikasiya Mərkəzinin (İİTKM) Monitorinq və qiymətləndirmə şöbəsinin müdiri Orxan Sadıqov Beynəlxalq Valyuta Fondunun (BVF) Qafqaz, Mərkəzi Asiya və Monqolustan ölkələri üzrə Regional Potensialın Gücləndirilməsi Mərkəzi (CCAMTAC) tərəfindən Qazaxıstanın Almatı şəhərində keçirilən regional seminarda iştirak edib.

“Makroiqtisadi çərçivədə iqlim amili” mövzusunda təşkil olunmuş seminarda Qafqaz və Mərkəzi Asiya regionuna daxil olan 7 ölkə üzrə 26 iştirakçı bir araya gəlib. Azərbaycanı İİTKM-lə yanaşı, Mərkəzi Bank və Dövlət Statistika Komitəsinin əməkdaşları təmsil ediblər.

Tədbirdə iqlim dəyişikliklərinin və onun iqtisadi təsirlərinin effektiv idarə olunması, bu sahədə həyata keçirilən fiskal siyasət və tətbiq olunan makroiqtisadi çərçivələr, eləcə də iştirakçı ölkələr üzrə mövcud vəziyyəti əks etdirən təqdimatlar dinlənilib, ekspertlərlə müzakirələr aparılıb.

Seminar iştirakçılara iqlim dəyişikliklərinin idarə olunmasında mütərəqqi yanaşmaları öyrənmək, habelə müxtəlif ölkələrin təcrübələri ilə tanış olmaq imkanı yaradıb.

İİTKM-in nümayəndəsi BVF-nin Qazaxıstanda keçirilən beynəlxalq seminarında iştirak edib
İİTKM-in nümayəndəsi BVF-nin Qazaxıstanda keçirilən beynəlxalq seminarında iştirak edib
İİTKM-in nümayəndəsi BVF-nin Qazaxıstanda keçirilən beynəlxalq seminarında iştirak edib