İİTKM-in əməkdaşları kiçik və orta müəssisələrin rəqəmsal transformasiyası ilə bağlı tədbirdə iştirak ediblər
İqtisadi İslahatların Təhlili və Kommunikasiya Mərkəzinin (İİTKM) “Azexport.az” portalının rəhbəri Ayxan Qədəşov və Rəqəmsal Ticarət Qovşağının rəhbəri İsmət Mehrəliyeva Almaniya Beynəlxalq Əməkdaşlıq Cəmiyyətinin (GIZ) təşkilatçılığı ilə keçirilən “Şərq Tərəfdaşlığı ölkələrində kiçik və orta müəssisələrin rəqəmsal transformasiyası” adlı tədbirdə iştirak ediblər.
A.Qədəşov bildirib ki, rəqəmsallaşma əksər dünya ölkələri üçün prioritet istiqamətlərdəndir. “Dünyada səhiyyə, təhsil, sosial və iqtisadi sahələrdə rəqəmsallaşmanın tətbiqi sürətlə genişlənir. Ölkəmizdə də bu sahəyə ciddi dəstək göstərilir. Bu məqsədlə müxtəlif dövlət proqramları qəbul olunur və yeni layihələr həyata keçirilir. Buna misal olaraq sahibkarların xarici bazarlarda rəqəmsal platformalar vasitəsilə çıxışının təmin olunması və ölkə ərazisində istehsal olunan məhsulların dünyanın istənilən nöqtəsində onlayn formada marketinqinin aparılması üçün “Azexport.az” internet portalının yaradılması kimi rəqəmsal təşəbbüsləri qeyd etmək olar”,- deyə A.Qədəşov bildirib. Daha sonra o, İİTKM-in ərsəyə gətirdiyi “azerp.az” portalının ən son rəqəmsal imkanlarla yenilənməsi istiqamətində GIZ ilə birgə həyata keçiriləcək layihə haqqında məlumat verib.
Qeyd edək ki, GIZ-in dəstəyi ilə təkmilləşdirilməsi nəzərdə tutulan “Azerp” internet platforması sahibkarlara müəssisə resurslarının idarə olunması üçün rəqəmsal imkanlar təqdim edir. Portalın imkanlarından istifadə etməklə sahibkarlar anbar, logistika, insan resursları və elektron ticarət kimi 50-dək istiqamət üzrə imkanlardan faydalana biləcəklər.
Ekspert yazıları
Vüsalə Cəfərova
Türk Dünyası Araşdırmalar Mərkəzinin rəhbəri
Azərbaycan və Tacikistan arasında iqtisadi-ticarət əlaqələrinin perspektivləri
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq