![Dünya Bankının hesabatı hökumətləri hərtərəfli tədbirlər görməyə çağırır](https://ereforms.gov.az/files/news/full/97f88c5e61135fa922dd18d9108cf527.png)
Dünya Bankının hesabatı hökumətləri hərtərəfli tədbirlər görməyə çağırır
Dünya Bankı “Qlobal İqtisadi Perspektivlər” adlı hesabatında çoxsaylı mənfi şokların təsiri ilə mübarizə aparan qlobal iqtisadiyyatın həssas olduğunu açıqlayıb. İqtisadi İslahatların Təhlili və Kommunikasiya Mərkəzinin (İİTKM) şöbə müdirinin müavini Günay Quliyeva deyir ki, COVID-19 pandemiyasının davam etməsi, Rusiya-Ukrayna müharibəsi və monetar siyasətin sərtləşdirilməsi fonunda dünya iqtisadiyyatının vəziyyətini qiymətləndirən hesabat həm qlobal, həm də milli miqyasda qarşıda duran mühüm çağırışları vurğulamaqla, hökumətləri makroiqtisadi və maliyyə sabitliyini yaxşılaşdırmaq üçün təcili və sistemli tədbirlər görməyə çağırır.
Hesabatda qlobal artımın bu ilin ikinci yarısında əhəmiyyətli dərəcədə yavaşlayacağı, bu yavaşlamanın 2024-cü ildə daha da sürətlənəcəyi proqnozlaşdırılır. Bildirilir ki, kəskinləşən inflyasiya təzyiqləri fonunda, inflyasiyanın qarşısını almaq üçün sərt pul siyasətinin aparılması zərurəti yaranır. Bundan əlavə, qabaqcıl iqtisadiyyatların bank sektorlarında baş verən gərginliklər səbəbindən kredit şərtlərinin sərtləşdirilməsinin iqtisadi fəallığı azaldacağı gözlənir.
Dünya Bankı xəbərdarlıq edir ki, bank sektorundakı problemlərin genişlənməsi və monetar sərtləşdirmə siyasətinin tətbiqi ehtimalı qlobal iqtisadi böyümənin daha da zəifləməsinə səbəb ola bilər. Bundan əlavə, inkişaf etmiş iqtisadiyyatlarda artan borclanma xərcləri inkişaf etməkdə olan ölkələrdə və xüsusən də daha həssas inkişafa malik ölkələrdə maliyyə dayanıqlılığının pozulmasına gətirib çıxara bilər. Aşağı gəlirli ölkələrdə maliyyə vəziyyətinin getdikcə qeyri-müəyyən hala gəlməsi həmin ölkələrdə maliyyə dayanıqlılığının təmin edilməsi üçün təcili tədbirlər görülməsini tələb edir.
Dünya Bankı bildirir ki, inkişaf etməkdə olan bazarlarda, xüsusən də aşağı gəlirli ölkələrdə maliyyə dayanıqlılığını yaxşılaşdırmaq, daha yüksək gəlir əldə etmək, xərclərin səmərəliliyini artırmaq və borc idarəetmə təcrübələrini təkmilləşdirmək üçün strategiyaların tətbiqi qaçılmazdır.
G.Quliyeva deyir ki, Dünya Bankı, həmçinin iqlim dəyişikliyinin həlli, böhranlar və aclıqlardan təsirlənən dünya əhalisinə dəstək və zəruri hallarda borcların silinməsi üçün davamlı beynəlxalq əməkdaşlığın vacibliyini vurğulayır. Hesabat daha uzunmüddətli perspektivdə fiziki və insan kapitalının artırılmasının, eləcə də əmək təklifinin artırılması üçün islahatların həyata keçirilməsinin və inkişaf etməkdə olan bazarların iqtisadi artımında proqnozlaşdırılan azalmanın qarşısının alınmasının vacibliyini vurğulayır.
![Dünya Bankının hesabatı hökumətləri hərtərəfli tədbirlər görməyə çağırır](https://ereforms.gov.az/files/news/images/full/4774257da0ae34036a631491.jpg)
Ekspert yazıları
Vüsalə Cəfərova
Türk Dünyası Araşdırmalar Mərkəzinin rəhbəri
Azərbaycan və Tacikistan arasında iqtisadi-ticarət əlaqələrinin perspektivləri
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq