Zəngəzur dəhlizinin regional iqtisadi inteqrasiyada rolu İtaliyanın Neapol şəhərində təqdim edilib

Zəngəzur dəhlizinin regional iqtisadi inteqrasiyada rolu İtaliyanın Neapol şəhərində təqdim edilib

İqtisadi İslahatların Təhlili və Kommunikasiya Mərkəzinin (İİTKM) departament rəhbəri Ayaz Müseyibov İtaliyanın Neapol şəhərində keçirilən Sülh naminə tərəfdaşlıq konsorsiumunun tədqiqat qrupunun tədbirində iştirak edib. Tədbirdə A.Müseyibov "Zəngəzur dəhlizinin regional iqtisadi inteqrasiyada və sülhdə artan rolu" mövzusunda məruzə ilə çıxış edib. Qeyd edilib ki, Zəngəzur dəhlizi mövcud reallıqlar şəraitində regional iqtisadi inteqrasiya və sülh üçün ən praqmatik və optimal variantdır. Eyni zamanda, bu dəhlizin Azərbaycanın bu vaxta qədər icra etdiyi Bakı –Tbilisi- Ceyhan, Bakı-Tbilisi-Qars, Cənub Qaz dəhlizi və s. kimi meqa layihələrdə olduğu kimi qlobal ticarət və enerji dəhlizlərinin effektivliyinə töhfə verdiyi və bütün region ölkələrin marağına uyğun unikal layihə olduğu vurğulanıb.

Görüşlərdə regiondan, o cümlədən Polşa, Yunanıstan, ABŞ, Türkiyə, Avstriya, Sloveniya və digər ölkələrdən olan iqtisadçı ekspertlər Cənubi Qafqazda iqtisadi əməkdaşlıq və inteqrasiya imkanları barədə elmi müzakirələr aparıblar. Müzakirələr zamanı regionun ümumi iqtisadi inkişaf imkanları, həmçinin Zəngəzur dəhlizinin iqtisadi inkişaf və regional inteqrasiyada mümkün perspektivləri haqqında fikirlər səsləndirilib.  

Qeyd edək ki, Avropanın nüfuzlu beyin mərkəzləri və institutlarının təşkilatçısı olduğu konfrans tərəfindən professor Vüsal Qasımlı və A.Müseyibovun Zəngəzur dəhlizinə dair həmmüəllifi olduğu araşdırma materialının dərc olunması planlaşdırılır.

 

Şriftin ölçüsü

A A A

Saytın rəngi

R R R