
Vüsal Qasımlı OECD-nin nümayəndə heyətini qəbul edib
İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı İqtisadi Əməkdaşlıq və İnkişaf Təşkilatının (İƏİT) Avrasiya Departamentinin rəhbəri Uilyam Tompsonun başçılıq etdiyi nümayəndə heyətini qəbul edib. Görüşdə İƏİT-in dəstəyi ilə hazırlanan “Azərbaycanda müəssisələrin rəqəmsallaşdırılmasının təşviqi” adlı tədqiqatın nəticələri və ölkədə bu sahədə həyata keçirilən siyasətdə İİTKM-in iştirakı müzakirə edilib.
Görüşdə Vusal Qasımlı, müəssisələrin rəqəmsallaşdırılması istiqamətində İİTKM-in operator olduğu http://enterpriseazerbaijan.gov.az/ portalı vasitəsilə tədqim olunan rəqəmsal xidmətlər və KOS-ların xarici bazarlara çıxışı, rəqəmsal şəbəkələrə inteqrasiyasının təmin edilməsi üzrə görülən işlər barədə ətraflı məlumat verib. Eyni zamanda, o, ölkədə biznes mühitinin yaxşılaşdırılması istiqamətində Biznes mühiti və beynəlxalq reytinqlər üzrə Komissiyanın həyata keçirdiyi fəaliyyətlər, dövlət-özəl tərəfdaşlığı platforması, komissiyanın https://azranking.az/ portalının əhəmiyyətini qeyd edib. Biznes mühiti və beynəlxalq reytinqlər üzrə Komissiya ilə İƏİT arasında əməkdaşlıq məsələlərinə toxunuldu. İƏİT tərəfindən dövrü olaraq qiymətləndirilən KOS reytinqti sahəsində tədqiqatda İİTKM-in potensialından istifadə imkanları müzakirə edildi. V.Qasımlı eləcə də İƏİT-in müvafiq komitələrində Azərbaycanın iştirakının faydalarını vurğulayıb.
İƏİT-in Avrasiya Departamentinin rəhbəri Uilyam Tompson Azərbaycan üzrə qiymətləndirilməsi nəzərdə tutulan Kiçik Biznes Aktı reytinqi üzrə tətbiq olunacaq qiymətləndirmə metodologiyası, eləcə də İƏİT tərəfindən icra olunan Məhsul Bazarı İndikatoru (PMİ) qiymətləndirməsi barədə məlumat verib. O, İƏİT-in Azərbaycanda vergi islahatları, korporativ idarəetmə standartlarının tətbiqi və nəzarət zərfi dövlətə məxsus müəssisələrin özəlləşdirilməsi praktikaları və biznes mühitinin yaxşılaşdırıması istiqamətində əməkdaşlıqda maraqlı olduqlarını bildirib. Görüşdə gələcəkdə planlaşdırılan tədbirlər barədə fikir mübadiləsi aparılıb.
Sonda qonaqlara İİTKM-in fəaliyyətinə dair icmallar təqdim edilib.



Ekspert yazıları
Ayaz Müseyibov
İİTKM-in departament rəhbəri
Rising Strategic Role of Azerbaijan and Turkey in Euro-Asian economic relations
Nicat Hacızadə
İİTKM-in departament rəhbəri
İİTKM-in departament rəhbəri Nicat Hacızadə: "Məhsullarımızın diversifikasiya potensialı arta bilər"
Vüsal Qasımlı
İİTKM -in icraçı direktoru
Vüsal Qasımlı: “Hökumət antiinflyasiya tədbirlər planı hazırlayır”
Nicat Hacızadə
İİTKM-in departament rəhbəri
İxrac sofistikasiyanın artırılması rifaha müsbət təsir edəcək
Ayhan Satıcı
İİTKM-in kiçik analitiki
Türk Birliyinin İqtisadi Əsasları
Günay Quliyeva
İİTKM-in baş analitiki
Günay Quliyeva: "Ermənistanın Azərbaycana vurduğu ziyan- reparasiya, restitusiya, kompensasiya, reabilitasiya, satisfaksiya…
Aminə Bayramova
İİTKM-in analitiki
Azərbaycanın Türk dünyasının iqtisadiyyatında rolu