“StartUp School” layihəsi Azərbaycan Memarlıq və İnşaat Universitetinin tələbələrinə təqdim olunub
İqtisadi İslahatların Təhlili və Kommunikasiya Mərkəzinin (İİTKM) operatoru olduğu Enterprise Azerbaijan portalının rəhbəri Mətanət Musayeva Azərbaycan Memarlıq və İnşaat Universitetində tələbələrə “StartUp School” layihəsini təqdim edib.
Mətanət Musayeva universitetin Strateji planlaşdırma şöbəsi və İnnovativ Biznes İnkubatorunun (İBİ) təşkilatçılığı ilə keçirilən görüşdə enterpiseazerbaijan.gov.az portalının fəaliyyəti, gənclərə verdiyi töhfələr barədə məlumat verib. O bildirib ki, “StartUp School” layihəsinin reallaşdırılmasının məqsədi gənclərin ideyalarını reallığa çevirmək və innovasiyaların inkişafı istiqamətində onlara dəstək göstərməkdən ibarətdir.
Daha sonra layihənin mentoru Habil Əhmədov “Startapların inkişaf istiqamətləri” mövzusunda təlim keçib və layihə meneceri Nəzrin Əkbərova isə “StartUp School” haqqında tələbələrə geniş informasiya çatdırıb. O qeyd edib ki, layihəyə qoşulan tələbələr ABŞ, Türkiyə, İsrail və Polşadan olan beynəlxalq mentorların dəstəyi ilə startap ideyalarını inkişaf etdirə biləcəklər. Qalib komandanın üzvləri Nevada Universitetinin Özmen Sahibkarlıq Mərkəzinə getmək şansı əldə edəcəklər.
Tələbələrlə təşkil olunan görüşdə Azərbaycan Memarlıq və İnşaat Universitetinin Strateji planlaşdırma şöbəsinin müdiri Qənirə Məmmədzadə, İBİ-nin rəhbəri Nəsibə Əmirbəyova, şöbənin mütəxəssisləri və universitetin müxtəlif kurs tələbələri iştirak ediblər.
Ekspert yazıları
Vüsalə Cəfərova
Türk Dünyası Araşdırmalar Mərkəzinin rəhbəri
Azərbaycan və Tacikistan arasında iqtisadi-ticarət əlaqələrinin perspektivləri
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq