İİTKM “İslam ölkələrinin iqtisadi potensialı” kitabının yazılması üçün müəllifləri əməkdaşlığa dəvət edir

25 dekabr 2023, 11:20

A+ A-

Azərbaycan Respublikası İqtisadi İslahatların Təhlili və Kommunikasiya Mərkəzi (İİTKM) “İslam ölkələrinin iqtisadi potensialı” kitabının yazılmasında iştirak etmək istəyən təcrübəli və bu sahəyə bələd müəlliflər axtarışındadır.

Kitabın hazırlanmasında məqsəd islam dövlətlərin iqtisadi mənzərəsi, çağırışları və imkanları haqqında ətraflı məlumat verməkdir.

Seçiləcək müəlliflər qarşısında qoyulan əsas tələb mövzuların islam ölkələrinə təsir edən iqtisadi siyasət və ticarət əlaqələri, investisiya mühiti, maliyyə sistemləri və sosial-iqtisadi amillərini geniş əhatə etməsi, lakin bununla məhdudlaşmamasıdır.

Bu məsələdə maraqlı olan müəlliflər iqtisadiyyat, beynəlxalq münasibətlər və ya əlaqəli sahələrdə böyük təcrübəyə malik olmalıdırlar. Seçim zamanı namizədlərin bu sahələrdə, xüsusən də islam ölkələrinə dair tədqiqat və nəşrlərinin olmasına üstünlük veriləcək.

Metodologiya, zaman qrafiki və təqdimetmə qaydaları üçün linkə keçid edə bilərsiniz: https://shorturl.at/uYnWd.

Təkliflər 10 iyun 2024-cü il tarixinə qədər təqdim edilməlidir. Təfərrüatlı plan, nümunə fəsil və müəllifin tərcümeyi-halı daxil olmaqla, yekun sənədlərin qəbulu 30 iyun 2024-cü il tarixinə qədərdir. Yazıların göndəriləcəyi ünvan: vusala.jafarova@ereforms.gov.az.

Qeyd: Kitabın ingilis dilində hazırlanması nəzərdə tutulub.

Qiymətləndirmə və seçim:

Namizədlər onların qeyd edilən sahə üzrə peşəkar fəaliyyəti, təklif olunan metodologiyanın məqsədəuyğunluğu və təqdim edilən materialların İslam ölkələrinin iqtisadi mənzərəsini yarada bilməsi meyarları əsasında qiymətləndiriləcək. Seçim komitəsi 15 iyun 2024-cü il tarixinədək seçilmiş müəllifi elan edəcək.