EnterpriseAzerbaijan.com portalında startapçılarla görüş keçirilib
Iqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı EnterpriseAzerbaijan.com portalına daxil olan startapçılarla görüşüb. İİTKM-in icraçı direktoru Vüsal Qasımlı bildirib ki, Azərbaycanda startap ekosisteminin inkişafı üçün əsaslar yaradılıb: “Biznesə başlamanın asanlığı, startap şəhadətnəməsi əsasında üçillik vergi tətili, inkubasiya, akselerasiya və kovorkinq platformaları, startaplar üçün mentorluq və maliyyə bazarlarına çıxış imkanları bu sıradadır. Dünyada 3 trilyon dollarlıq startap ekosistemində Azərbaycanın mövqeyini gücləndirməsi üçün EnterpriseAzerbaijan.com portalı təlimlər keçirir, kikstarter platformalarına çıxışı təmin edir, inkubasiya və akselerasiya platforması kimi xidmət edir. EnterpriseAzerbaijan.com və Dövlət Məşğulluq Agentliyi özünüməşğulluq proqramı çərçivəsində startapları dəstəkləmək üçün onlara aktivlər təqdim ediblər.
Eyni zamanda EnterpriseAzerbaijan.com portalı Azərbaycan Beynəlxalq Bankı ilə startapların xarici maliyyə bazarlarına çıxarılması üçün birgə layihə gerçəkləşdirirlər.” EnterpriseAzerbaijan.com portalında akselerasiya prosesində olan Alma Consulting, özünüməşğulluq çərçivəsində aktivlər alan Bonpini və İnterno, EnterpriseAzerbaijan.com portalında yerləşdirilmiş Healthi Story, İRS Cizgi, Save Access System, TezGet və VeloKuryer startapları təqdimatlarla çıxış ediblər. EnterpriseAzerbaijan.com portalının meneceri Pərvin Məmmədzadə bildirib ki, bu yaxınlarda Azərbaycan Banklar Assosiasiyası ilə birlikdə Azərbaycan startapları ilə potensial investorların görüşünün keçirilməsi planlaşdırılır: “Məqsəd startapların layihələrinin maliyyələşdirilməsidir. Hibrid, yəni həm onlayn, həm də offlayn formatda olacaq tədbridə banklar, mələk və toxum investorların iştirakı planlaşdırılır.”
Ekspert yazıları
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq
Ayhan Satıcı
Türk Dünyası Araşdırmaları Mərkəzinin rəhbəri
Özbəkistan Prezidentinin dövlət səfəri iqtisadi münasibətlərin də dərinləşməsində yeni mərhələdir