“Enterprise Azerbaijan” portalı “Startup School 2” layihəsini Təhsil Tələbə Krediti Fondunda təqdim etdi
İqtisadi İslahatların Təhlili və Kommunikasiya Mərkəzinin (İİTKM) operatoru olduğu “Enterprise Azerbaijan” portalı “Startup School 2 – AI for Green Solidarity” (Yaşıl həmrəylik naminə süni intellekt) layihəsi ilə bağlı növbəti maarifləndirmə tədbirini Elm və Təhsil Nazirliyinin tabeliyində Təhsil Tələbə Krediti Fondunda (TTKF) keçirib. İnfosessiyada Fondun kreditindən yararlanmış tələbələr iştirak ediblər.
Tədbirdə “Enterprise Azerbaijan” portalının rəhbəri Mətanət Musayeva “Startup School 2” layihəsinin əhəmiyyətindən və gənc startapçılara təqdim etdiyi fürsətlərdən danışıb. Portalın layihə meneceri Nəzrin Əkbərova isə tələbələrə layihənin məqsədi, meyarları, ideyaların biznesə çevrilməsi imkanları haqqında ətraflı məlumat verib, auditoriyanı maraqlandıran sualları cavablandırıb.
TTKF-nin rəhbəri Araz Paşayev “Enterprise Azerbaijan” portalının Almaniyanın Süni İntellekt Araşdırma Mərkəzi və ABŞ-ın Nevada Universiteti ilə birgə həyata keçirdiyi “Startup School 2 – AI for Green Solidarity” layihəsi ilə təhsil sahəsinə töhfələr verdiyini bildirib. O, təhsil tələbə kreditindən yararlanmış tələbələrin də bu növ layihələrə cəlb olunmasının əhəmiyyətini vurğulayıb.
Sonda “Enterprise Azerbaijan” və TTKF arasında tələbələrin kredit qismində əldə etdikləri dövlət vəsaitinin geri qaytarılması üçün gələcəkdə onların məşğulluğunun təmin olunması istiqamətində müxtəlif növ layihələr üzrə mümkün əməkdaşlıq məsələləri müzakirə edilib.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf