Azranking.az: “Mübahisələrin həlli, məhkəmə sistemi və hüququn aliliyi” işçi qrupunun iclası keçirilib
Biznes mühiti və beynəlxalq reytinqlər üzrə Komissiyanın Dünya Bankının “Əlverişli Biznes Mühiti” layihəsinin “Mübahisələrin həlli, məhkəmə sistemi və hüququn aliliyi” işçi qrupunun video-konfrans formatında keçirilən iclasında 2022-ci il ərzində görülmüş işlər barədə hesabatların dinlənilməsi və müzakirəsi həyata keçirilib.
Onlayn platforma üzərindən təşkil edilən iclasda Ədliyyə və İqtisadiyyat nazirliklərinin, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin, Mərkəzi Bankın, Ali Məhkəmənin, Bakı Apellyasiya Məhkəməsinin, Vəkillər Kollegiyasının nümayəndələri və işçi qrupunun digər üzvləri iştirak ediblər.
İclasda Ədliyyə Nazirliyinin nümayəndəsi tərəfindən Yol Xəritəsinin 1.1.3 (Məhkəmə və digər orqanların qərarlarının icrası ilə əlaqədar müddətləri konkret müəyyən edən elektron hərracların keçirilməsi qaydaları ilə bağlı hazırlanmış yeni layihənin, habelə icra sənədləri üzrə icraata başlanılması və icra hərəkətlərinin həyata keçirilməsi müddətlərinin təkmilləşdirilməsi ilə əlaqədar qanunvericiliyin araşdırılması və müvafiq təkliflərin hazırlanması), 1.1.4 (İcra məmurlarının borclunun əmlakı üzərinə həbs qoyulması ilə bağlı səlahiyyətlərinin genişləndirilməsi, tələbin borclunun bəzi aktivlərinə (ümumi mülkiyyətdə olan payına, iştirakçı olduğu hüquqi şəxsin əmlakındakı payına, qiymətli kağızlarına, depozit seyflərdəki qiymətli əşyalarına, girov qoyulmuş əmlakına, debitor borclara və sair) yönəldilməsi qaydalarının müəyyən olunması, yaxud mövcud normaların təkmilləşdirilməsi ilə bağlı təkliflərin hazırlanması) və 4.3.1.3-cü (Qeyri-əmlak xarakterli tələbin nəzərdə tutulduğu icra sənədləri üzrə icra ödənişi məbləğinin artırılmasının, habelə icra ödənişinin tutulma vaxtının müəyyən edilməsinin nəzərdən keçirilməsi) yarımbəndlərinin icrası ilə əlaqədar görülmüş işlərə dair məlumatlar səsləndirilib.
Qeyd olunanlardan başqa “Arbitraj haqqında” yeni qanun layihəsi, “Elektron məhkəmə” informasiya sistemində elektron kabinetin funksional imkanlarının genişləndirilməsi və qeydiyyat prosesinin təkmilləşdirilməsi ilə bağlı da məlumat verilib (Yol Xəritəsinin 2.1.1, 3.2.1.1 və 3.2.1.2-ci yarımbəndləri).
Eyni zamanda kommersiya mübahisələrinə baxan hakimlər üçün sistemli qaydada ixtisaslaşmış təlimlərin təşkil edilməsi vəziyyəti ilə bağlı təqdimat nümayiş etdirilib.
Tədbir qarşılıqlı müzakirələr şəraitində davam etdirilib, görüş iştirakçılarının sualları cavablandırılıb.
Ekspert yazıları
Vüsalə Cəfərova
Türk Dünyası Araşdırmalar Mərkəzinin rəhbəri
Azərbaycan və Tacikistan arasında iqtisadi-ticarət əlaqələrinin perspektivləri
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq