“Azexport” portalı Azərbaycan məhsullarının Yaponiyaya ixracını genişləndirir
İqtisadi İslahatların Təhlili və Kommunikasiya Mərkəzinin (İİTKM) operatoru olduğu “Azexport” portalı ilə Yaponiyanın 5000-dən artıq üzvü olan “Shinseikai” biznes platforması arasında Anlaşma Memorandumu imzalanıb. Əməkdaşlıq sənədi Azərbaycan məhsullarının Yaponiya bazarına çıxış imkanlarının genişləndirilməsi və iki ölkənin sahibkarları arasında birbaşa “B2B” əlaqələrin qurulmasını hədəfləyir.
İmzalanma mərasimində “Azexport” portalının rəhbəri Ayxan Qədəşov və “Shinseikai” təşkilatının nümayəndəsi Hitoşi Usukura iştirak ediblər.
Memoranduma əsasən, tərəflər tekstil, kənd təsərrüfatı, qida sənayesi, logistika və digər strateji sektorları təmsil edən şirkətlər arasında davamlı ticarət əlaqələrinin inkişafı istiqamətində birgə fəaliyyət göstərəcəklər. Əsas diqqət ixrac prosesində qarşıya çıxan texniki standartlar, sertifikatlaşdırma tələbləri və logistik əməliyyatların birgə səylərlə təkmilləşdirilməsinə, məhsulların rəqəmsal mühitdə tanıdılmasına yönəldiləcək.
“Azexport” portalının rəhbəri Ayxan Qədəşov bu əməkdaşlığın qeyri-neft ixracı coğrafiyasının genişləndirilməsi baxımından əhəmiyyətini vurğulayıb. O bildirib ki, Yaponiya bazarı özünün yüksək keyfiyyət standartları və ənənələri ilə seçilir. “Shinseikai” platforması ilə imzalanan bu Memorandum yerli məhsullarımızın Yaponiyanın geniş ticarət şəbəkələrinə inteqrasiyası üçün mühüm bir körpü rolunu oynayacaq. “Azexport” portalının rəqəmsal sərgi zalı kimi innovativ həllər yaponiyalı alıcıların Azərbaycan məhsulları haqqında məsafədən, lakin vizual və dolğun məlumat əldə etməsinə birbaşa xidmət edəcək.
“Shinseikai” təşkilatının nümayəndəsi Hitoşi Usukura öz növbəsində təmsil etdiyi şəbəkə vasitəsilə Azərbaycan məhsullarının Yaponiyada tanıdılmasına tam dəstək verəcəklərini qeyd edib. O bildirib ki, “Azexport” tərəfindən yerli sahibkarlara göstərilən dəstək mexanizmləri və qlobal e-ticarət platformaları ilə inteqrasiya təcrübəsi Yapon işgüzar dairələrinin xüsusi marağına səbəb olub.
Razılaşmaya əsasən, yaxın gələcəkdə Memorandumun icrası çərçivəsində hər iki ölkə sahibkarlarının iştirakı ilə silsilə onlayn “B2B” görüşlərin və ixrac prosedurları üzrə maarifləndirici tədbirlərin keçirilməsi nəzərdə tutulur. Bu görüşlərdə iştirak etmək istəyən sahibkarlar “Azexport” portalına müraciət edə bilərlər.
Qeyd edək ki, “Azexport” portalının imkanlarından istifadə üçün xidmət haqqı və ya komissiya nəzərdə tutulmayıb.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf