İqtisadi İslahatların Təhlili və Kommunikasiya Mərkəzinin (İİTKM) operatoru olduğu Azexport.az portalı, yerli sahibkarların beynəlxalq elektron ticarət platformalarına çıxış imkanlarının genişləndirilməsi məqsədilə "E-ticarət: Qlobal Bazarlara Çıxış" mövzusunda dəyirmi masa təşkil edir.

Tədbir həm rəqəmsal ixraca yeni başlayanlar, həm də mövcud satışlarını qlobal miqyasda böyütmək istəyən sahibkarlar üçün nəzərdə tutulub. Görüş çərçivəsində iştirakçılar:
- Amazon və eBay-də uğurlu satışın sirləri;
- hesabların bloklanma səbəbləri və qabaqlayıcı tədbirlər;
- Payoneer vasitəsilə beynəlxalq ödənişlərin inteqrasiyası;
- e-ticarətdə rəqəmsal marketinq və transsərhəd logistika həllərini birbaşa beynəlxalq ekspertlərdən öyrənmək imkanı əldə edəcəklər.
Tədbirin əsas spikeri Amazon “Ambassador” və “Navishopper” şirkətinin baş icraçı direktoru Günel Ağazadədir. O, Amazon platformasında 15 ölkə üzrə əməliyyat rəhbəri kimi fəaliyyət göstərmiş, Meksika, Braziliya, İsveç və Polşa bazarlarında onlayn mağaza açılışlarını idarə etmişdir.

"MeetUp Networking Club”un tərəfdaşlığı ilə keçirilən görüşdə, həmçinin beynəlxalq logistika və rəqəmsal marketinq sektorlarını təmsil edən yerli şirkətlərin mütəxəssisləri də iştirak edəcəklər. Müzakirələr zamanı sahibkarların sualları real nümunələr əsasında cavablandırılacaq və beynəlxalq satışda qarşıya çıxan maneələrin həlli yolları təqdim olunacaq.
Auditoriya ilə fərdi işin və müzakirələrin effektivliyinin təmin edilməsi məqsədilə iştirakçı sayı 35 nəfərlə məhdudlaşdırılıb. Yerlər məhdud olduğu üçün ayrılmış kvota dolduqda qeydiyyat prosesi avtomatik olaraq dayandırılacaqdır. Tədbirdə iştirak ödənişsizdir.

Tarix: 24 iyun 2026-cı il

Saat: 10:00

Məkan: İİTKM-in inzibati binası

Qeydiyyat üçün link: https://docs.google.com/forms