Azərbaycanın monitorinq və qiymətləndirmə institutu Tokioda Dünya Bankının tədbirində təqdim olunub
Yaponiyanın Tokio şəhərində Dünya Bankının təşkilatçılığı ilə Asiya İnkişaf Bankı İnstitutunun (ADBI) ofisində “Dünya İnkişaf Hesabatı 2026: inkişaf üçün süni intellekt” mövzusunda regional konsultasiya keçirilib.
İqtisadi İslahatların Təhlili və Kommunikasiya Mərkəzinin (İİTKM) icraçı direktorunun müavini Ayaz Museyibov tədbirdə çıxış edərək süni intellektin dövlət idarəçiliyinə inteqrasiyası, rəqəmsal hökumət həllərinin genişləndirilməsi, institusional və normativ çərçivənin formalaşdırılması, eləcə də insan kapitalının inkişafı istiqamətində görülən işlərdən danışıb.
O bildirib ki, İqtisadi İslahatların Təhlili və Kommunikasiya Mərkəzində müvafiq dövlət qurumları ilə koordinasiyalı şəkildə süni intellekt alətləri dövlət proqramlarının monitorinq və qiymətləndirilməsi prosesinə inteqrasiya olunur. Real vaxt rejimli rəqəmsal portallar və vahid məlumat bazası əsasında süni intellekt böyük həcmli məlumatların təmizlənməsini, məntiqi filtrlərin tətbiqini, sənədlərin yoxlanılmasını və nəticələrin “OECD DAC” meyarları üzrə qiymətləndirilməsini əhəmiyyətli dərəcədə sürətləndirir.
Ayaz Museyibov qeyd edib ki, 100-dən çox dövlət qurumundan daxil olan on milyonlarla məlumat vahidinin emalı şəraitində süni intellekt məlumatların uzlaşdırılması, ziddiyyətlərin aşkarlanması, icra prosesində yaranan problemlərin təhlili və əvvəlki illərin təcrübəsinə əsaslanan analitik tövsiyələrin formalaşdırılması baxımından həlledici rol oynaya bilər. Eyni zamanda, süni intellekt dövlət proqramları çərçivəsində həyata keçirilən tədbirlər arasında əlaqələndirməni gücləndirmək, siyasət parçalanmasının qarşısını almaq və resurslardan daha səmərəli istifadəyə şərait yaratmaq baxımından mühüm potensiala malikdir.
Müzakirələrdə Asiya İnkişaf Bankı, Dünya Bankı, ADBI və digər beynəlxalq maliyyə institutlarının nümayəndələri, eləcə də yüksək səviyyəli siyasətçilər, dövlət rəsmiləri, tədqiqatçılar və akademik dairələrin nümayəndələri iştirak ediblər. Tədbir Asiya və Şərqi Asiya regionlarında süni intellektin məşğulluq, innovasiya, əmək bazarı və ictimai xidmətlərin göstərilməsinə təsiri üzrə siyasət dialoqu üçün mühüm platforma rolunu oynayıb.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf