
Vüsal Qasımlı Türk dünyasının biznes liderlərinə Azərbaycanın investisiya imkanlarından danışıb
İqtisadi İslahatların Təhlili və Kommunikasiya Mərkəzinin (İİTKM) icraçı direktoru Prof. Dr. Vüsal Qasımlı Bakıda keçirilən “Türk İnvestisiya Fondu və Türk Ticarət və Sənaye Palataları İttifaqı (TCCI): Biznes Liderləri üçün Məlumatlandırma Görüşü və B2B” adlı tədbirdə çıxış edib. O, əsas makroiqtisadi göstəricilər barədə məlumat verərək bildirib ki, Azərbaycan iqtisadiyyatı son 30 ildə dörd dəfə artıb. Ötən il ÜDM 4%-dən çox artaraq qlobal orta göstəricini üstələyib. Qeyri-neft və sənayenin artımı isə bundan təxminən 2 dəfə çox olub. Vüsal Qasımlı qloballaşan dünyada rəqabətə davamlı iqtisadi inkişaf, dinamik və inklüziv cəmiyyət, innovasiya və insan kapitalının inkişafı, həmçinin texnoloji irəliləyiş barədə görülən işlərlə bağlı qonaqlara ətraflı məlumat verib.
İİTKM-in icraçı direktoru Azərbaycanın işğaldan azad edilmiş ərazilərində investisiya imkanları və ölkənin yaşıl enerji sahəsindəki təşəbbüsləri, COP29 ərəfəsində Azərbaycan, Qazaxıstan və Özbəkistan arasında imzalanan yaşıl enerji dəhlizi layihəsini, xüsusən Azərbaycanın Avropaya nisbətən daha aşağı qiymətlə yaşıl enerji istehsalı sahəsindəki üstünlüyünü vurğulayıb.
Vüsal Qasımlı Türk dünyasından olan investorların Azərbaycana sərmayə yatırması baxımından ölkənin sağlam fiskal və xarici balansa malik olduğunu, xarici borcun ÜDM-ə nisbətinin 7% təşkil etdiyini və dövlət proqramlarının icrasında monitorinq və qiymətləndirmə alətinin uğurlu tətbiqi ilə idarəetmənin səmərəliliyini artırmağa yönəlmiş siyasətləri təhlil edib. O, həmçinin Zəngəzur dəhlizi və Orta Dəhlizin kiçik və orta sahibkarlıq üçün qlobal dəyər zəncirlərinə qoşulmaq və Türk dövlətləri arasında iqtisadi şaxələndirməyə dəstək vermək baxımından böyük potensiala malik olduğunu və yeni ticarət imkanları yaratdığını vurğulayıb.
Tərbirdə qonaqlara İİTKM tərəfindən hazırlanan “Turkic States Economy” kitabı hədiyyə olunub.


Ekspert yazıları
Ayaz Museyibov
İİTKM-in icraçı direktorunun müavini
Süni intellektə strateji baxış ölkənin rəqəmsal gələcəyinin möhkəmlənməsində mühüm rol oynayacaq
İsa Qasımov
“Enterprise Azerbaijan” portalının rəhbəri
Sosial sahibkarlıq iqtisadiyyatın dayanıqlılığı üçün mühüm vasitədir
Aqil Əsədov
Strateji planlaşdırma şöbəsinin müdiri
İğdır-Naxçıvan qaz kəməri: sosial-iqtisadi, siyasi və strateji əhəmiyyəti
Nicat Hacızadə
İİTKM-in şöbə müdiri
Azərbaycan-Çin iqtisadi əlaqələrinin inkişafı ixrac bazarlarına müsbət təsir göstərəcək
Aygün Əhmədova
Strateji planlaşdırma şöbəsinin baş məsləhətçisi
Davos 2025: “İntellektual əsrdə sənayelər”
Elnur Ələkbərov
İqtisadi təhlil şöbəsinin müdir müavini
Davos 2025 “İnsanlara investisiya”
Aqil Əsədov
Strateji planlaşdırma şöbəsinin müdiri
Regionda Azərbaycanın iştirakı, razılığı olmadan hər hansı layihənin uğurla reallaşdırılması qeyri-mümkündür