Vüsal Qasımlı Asiya İnkişaf Bankının icraçı direktoru ilə görüşüb
İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı Asiya İnkişaf Bankının (AİB) Direktorlar Şurasında Azərbaycan da daxil olmaqla 11 ölkəni təmsil edən icraçı direktor Reyçl Tompsonun rəhbərlik etdiyi nümayəndə heyəti ilə görüşüb.
Vüsal Qasımlı əvvəlcə Azərbaycanda həyata keçirilən iqtisadi islahatlar, eləcə də Mərkəzin fəaliyyəti barədə ətraflı məlumat verib. O bildirib ki, AİB-in özəl sektorun inkişaf etdirilməsi, dövlət sektorunun səmərəliliyinin artırılması, infrastrukturun təkmilləşdirilməsi və insan kapitalının gücləndirilməsi məqsədi daşıyan 2019–2023-cü illər üzrə Ölkə Tərəfdaşlığı Strategiyası Azərbaycan hökumətinin strateji yol xəritələri ilə sıx uyğunlaşdırılıb. O, əlavə edib ki, AİB-in 2024-2028-ci illər üçün yeni Ölkə Tərəfdaşlığı Strategiyası da "Azərbaycan Respublikasının 2022-2026-cı illərdə sosial-iqtisadi inkişaf Strategiyası" ilə uyğunlaşdırılır. Həm strateji yol xəritələrinin, həm də sosial-iqtisadi inkişaf Strategiyasının monitorinq və qiymətləndirilməsini həyata keçirən İİTKM bu baxımdan AİB-lə yaxından əməkdaşlıq edir. Xüsusən də “Böyük Qayıdış” proqramının gerçəkləşdirilməsi, həmçinin rəqəmsal və yaşıl həllərin önə çıxması AİB-lə əməkdaşlıqda yeni səhifə açır. V.Qasımlının sözlərinə görə, struktur islahatları, eləcə də nəticə əsaslı büdcə və proqram idarəetməsi sahələrində əməkdaşlıq imkanları genişdir. Azərbaycanın 2003-cü ildən Mərkəzi Asiya Regional İqtisadi Əməkdaşlıq (CAREC) Proqramı çərçivəsində əməkdaşlığa böyük töhfə verdiyini deyən V.Qasımlı yeni geosiyasi şəraitdə Orta Dəhlizin infrastrukturunun gücləndirilməsinin vacibliyini də vurğulayıb.
Reyçl Tompson isə öz növbəsində Azərbaycanla qarşılıqlı əməkdaşlıqdan məmnunluğunu ifadə edib. Azərbaycanda daha əvvəllər də iş təcrübəsinə malik olduğunu, ölkənin hərtərəfli inkişafı üçün yaradılan şəraitlə yaxından tanış olduğunu bildirib. AİB-in icraçı direktoru işğaldan azad edilmiş ərazilərdə aparılan sürətli bərpa-quruculuq işləri ilə tanış olmaq məqsədilə Ağdama səfər etdiyini və orada aparılan işləri təqdir etdiyini vurğulayıb. Xanım Tompson bildirib ki, təmsil etdiyi qurum Azərbaycanla dövlət-özəl tərəfdaşlığı, investisiya qoyuluşları və insan kapitalının inkişafı, eləcə də ətraf mühitin mühafizəsi də daxil olmaqla, bir çox istiqamətlər üzrə əlaqələrin genişləndirilməsində maraqlıdır.
Ekspert yazıları
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq
Ayhan Satıcı
Türk Dünyası Araşdırmaları Mərkəzinin rəhbəri
Özbəkistan Prezidentinin dövlət səfəri iqtisadi münasibətlərin də dərinləşməsində yeni mərhələdir