
TDAM və “Azexport” TDT-yə “TurkicExport” portalının layihəsini təqdim ediblər
İqtisadi İslahatların Təhlili və Kommunikasiya Mərkəzinin (İİTKM) nəzdində fəaliyyət göstərən Türk Dünyası Araşdırmalar Mərkəzi (TDAM) və “Azexport.az” portalının ortaq ideyası olan “TurkicExport” portalı layihəsi Türk Dövlətləri Təşkilatı (TDT) Katibliyinə təqdim olunub. Bununla bağlı TDAM-ın rəhbəri Ayhan Satıcı, “Azexport.az” portalının rəhbəri Ayxan Qədəşov, TDT Katibliyinin layihə direktoru, Qazaxıstandan “Astana Hub”ın nümayəndəsi və “Metaverse” Təhsil və Sağlamlıq Mərkəzinin nümayəndə heyəti videoformatda görüş keçiriblər.
Görüşdə bu ideya ilə bağlı İİTKM-in kifayət qədər təcrübəyə malik olduğu diqqətə çatdırılıb və portalın hazırlanması istiqamətində ilkin müzakirələr aparılıb. Bildirilib ki, “TurkicExport” portalının hazırlanması TDT-nin regiondakı dinamik rolunu nəzərə alaraq ticarətin və investisiyaların təşviq olunmasına xidmət edəcək. Bu çərçivədə “Azexport.az” portalının uğurlu nümunəsi və portal çərçivəsində qlobal çağırışlara uyğun olaraq “Metaverse” kimi innovativ həllərin tətbiq olunması iştirakçıların nəzərinə çatdırılıb. Qeyd edilib ki, xüsusilə də “Azexport.az” portalının beynəlxalq elektron ticarət platformaları vasitəsilə “Made in Azerbaijan” brendi məhsullarının ixrac coğrafiyasının genişləndirilməsi və ölkədə elektron ticarətin inkişafı istiqamətində həyata keçirdiyi layihələr türk dünyasında ticarət və investisiyanın təşviq edilməsi üçün müvafiq addımların atılmasına stimul ola bilər.
Qeyd edək ki, İqtisadi İslahatların Təhlili və Kommunikasiya Mərkəzi TDT Katibliyi ilə bir neçə uğurlu layihəyə imza atıb. “Türk dövlətləri iqtisadiyyat”ı kitabı, “Türk iqtisadi icmalı”nın müntəzəm nəşri və digər müvafiq sahələrdə araşdırmaların aparılması buna nümunədir.


Ekspert yazıları
Lətif Zeynallı
Strateji planlaşdırma şöbəsinin aparıcı məsləhətçisi
Azərbaycan-Almaniya strateji tərəfdaşlığında yeni perspektivlər: Yaşıl gələcəyə doğru
Ayaz Museyibov
İİTKM-in icraçı direktorunun müavini
Süni intellektə strateji baxış ölkənin rəqəmsal gələcəyinin möhkəmlənməsində mühüm rol oynayacaq
İsa Qasımov
“Enterprise Azerbaijan” portalının rəhbəri
Sosial sahibkarlıq iqtisadiyyatın dayanıqlılığı üçün mühüm vasitədir
Aqil Əsədov
Strateji planlaşdırma şöbəsinin müdiri
İğdır-Naxçıvan qaz kəməri: sosial-iqtisadi, siyasi və strateji əhəmiyyəti
Nicat Hacızadə
İİTKM-in şöbə müdiri
Azərbaycan-Çin iqtisadi əlaqələrinin inkişafı ixrac bazarlarına müsbət təsir göstərəcək
Aygün Əhmədova
Strateji planlaşdırma şöbəsinin baş məsləhətçisi
Davos 2025: “İntellektual əsrdə sənayelər”
Elnur Ələkbərov
İqtisadi təhlil şöbəsinin müdir müavini
Davos 2025 “İnsanlara investisiya”