TDAM rəhbəri türkiyəli tədqiqatçılarla “Türk Dünyası 2040 Vizyonu”nu müzakirə edib
İqtisadi İslahatların Təhlili və Kommunikasiya Mərkəzinin nəzdində fəaliyyət göstərən Türk Dünyası Araşdırmalar Mərkəzinin (TDAM) rəhbəri Vüsalə Cəfərova Niğde Ömer Halisdemir Universitetinin nümayəndələri ilə görüş keçirib.
Görüşdə “Türk Dünyası 2040 Vizyonu” və Türk dövlətlərinin iqtisadi inteqrasiyası ilə bağlı qarşıya qoyulan hədəflərə nail olmaq üçün akademik qurumlar və tədqiqat mərkəzlərinin birgə fəaliyyəti müzakirə olunub. Vüsalə Cəfərova Türk dünyası üçün əhəmiyyət daşıyan məsələlərlə bağlı Mərkəzin fəaliyyəti və tərəfdaş beyin mərkəzləri ilə birgə icra olunan layihələr barədə qonaqlara məlumat verib.
Niğde Ömer Halisdemir Universitetinin İqtisadiyyat və İdarəetmə fakültəsinin dekanı Prof. Dr. Başaran Öztürk, Fənn və Ədəbiyyat fakültəsinin müəllimi Prof. Dr. Faruk Çolak təmsil etdikləri qurumun 2014-ci ildən etibarən ənənəvi olaraq hər il keçirilən Türk Dünyası Araşdırmaları Simpozimunun təsisçisi olduğunu bildiriblər. Qonaqlar Universitetin Türk dünyasında iqtisadi araşdırmalar sahəsində həyata keçirdiyi və hazırda icrada olan layihələri barədə məlumat veriblər, sahibkarlığın inkişafı, innovativ maliyyələşdirmə mövzularında İİTKM-lə əməkdaşlıqda maraqlı olduqlarını bildiriblər.
Sonda Vüsalə Cəfərova TDT ölkələrinin beyin mərkəzləri ilə birlikdə hazırlanan “Türk dövlətləri iqtisadiyyatı” kitabını qonaqlara təqdim edib.
![TDAM rəhbəri türkiyəli tədqiqatçılarla “Türk Dünyası 2040 Vizyonu”nu müzakirə edib](https://ereforms.gov.az/files/news/images/full/8bb82426bbdc4449c41c8344.jpg)
Ekspert yazıları
Vüsalə Cəfərova
Türk Dünyası Araşdırmalar Mərkəzinin rəhbəri
Azərbaycan və Tacikistan arasında iqtisadi-ticarət əlaqələrinin perspektivləri
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq