Şəhərsalma və Tikinti Məcəlləsinə dəyişikliklər tikinti sektorunda canlanma yaradacaq
Prezident İlham Əliyev “Tikintiyə icazələrin verilməsi üzrə Azərbaycan Respublikasının Şəhərsalma və Tikinti Məcəlləsində dəyişikliklər edilməsi haqqında” Fərman imzalayıb. Qanuna edilmiş dəyişiklikləri şərh edən İqtisadi islahatların Təhlili və Kommunikasiya Mərkəzinin analitiki Nicat Hacızadə bildirib ki, yeni Fərman tikinti fəaliyyəti ilə məşğul olan sahibkarların fəaliyyətini bir qədər də sadələşdirəcək. “Qanuna edilən dəyişikliklər sahibkarların tikinti aparmasını daha da asanlaşdıracaq və tikinti ilə məşğul olan şəxslərin fəaliyyətini bir qədər də stimullaşdıracaq. Belə ki, Qanuna əlavə edilən 75.1-1-ci yarımbəndə əsasən, sifarişçi sahibkar tikintiyə icazə üçün müraciət etməzdən əvvəl icazə parametrlərini (ərazinin tikinti əmsalı, ərazinin tikinti sıxlığı əmsalı, tikinti obyektlərinin hündürlüyü və s.) öyrənmək məqsədilə müvafiq icra hakimiyyəti orqanına müraciət edə bilər və sözügedən qurum müraciəti 10 gün müddətində cavablandırmalıdır. Qanuna edilən dəyişikliklərin daha bir özəlliyi tələb olunan günlərin azaldılmasıdır ki, bu məcəllənin 75.3 və 75.4 –cü bəndində qeyd edilib. Maddələrə əsasən, müvafiq icra hakimiyyəti orqanına tikintiyə dair ərizə və tikinti layihəsinin təqdim edildiyi zaman 5 iş günündən 3 iş gününə azaldılıb. Habelə müvafiq icra hakimiyyəti tərəfindən tikintiyə icazə ilə fəaliyyət sferasına toxunulan aidiyyəti qurumlara rəy bildirilməsi üçün sorğu 15 gün müddətindən, layihəsi ekspertizadan keçirilməsi tələb olunmayan obyektlərə münasibətdə 5 günə endirilib. Bundan əlavə, texniki şərtlərin və həmin texniki şərtlərlə bağlı layihə sənədlərinin “Asan Kommunal”a verildiyini qeyd edən Nicat Hacızadə, bunun tikinti sahəsində sahibkarların fəaliyyətinin daha intensivləşməsinə , şəffaf və etibarlı mühitin daha da möhkəmlənməsinə xidmət etdiyini əlavə edib. “Məcəlləyə edilən dəyişiklər texniki şərtlərin və layihə-smeta sənədlərinin “ASAN Kommunal” mərkəzlərinə verilib ki, bu proses sənədləri sahibkarların daha sürətli şəkildə əldə etməsi ilə nəticələnəcək. Beləliklə, Prezidentin qanuna etdiyi dəyişiklik, tikinti sektorunda daha da canlanma yaradacaq və tikinti icazələrinin verilməsi indikatoru üzrə Azərbaycanın mövqeyinin beynəlxalq reytinqlərdə, xüsusilə “Doing Business” hesabatında yüksəlməsini bir qədər də sürətləndirəcək.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf