Rəsmi statistikanın inkişafına dair Dövlət Proqramı üzrə indikativ planlaşdırma müzakirə olunub
İqtisadi İslahatların Təhlili və Kommunikasiya Mərkəzində (İİTKM) “Azərbaycan Respublikasında rəsmi statistikanın inkişafına dair 2026–2030-cu illər üçün Dövlət Proqramı”nın icrası çərçivəsində 2026-cı il üzrə tədbirlərin indikativ planlaşdırılması, habelə nəticə indikatorları üzrə hədəf göstəricilərin müəyyənləşdirilməsi məqsədilə əsas icraçı qurumların nümayəndələri ilə görüş keçirilib.
Görüşdə İqtisadiyyat Nazirliyi, Daxili İşlər Nazirliyi, Kənd Təsərrüfatı Nazirliyi və Dövlət Statistika Komitəsinin nümayəndələri iştirak ediblər.
İİTKM-in icraçı direktorunun müavini Təranə Salıfova çıxış edərək Dövlət Proqramının icrası üzrə monitorinq və qiymətləndirmənin vahid yanaşma əsasında aparılmasının vacibliyini vurğulayıb. O, nəzərdə tutulmuş tədbirlərin mərhələli icrası, nəticə indikatorları üzrə hədəf göstəricilərin müəyyənləşdirilməsi, icra müddətlərinin və məsul qurumların dəqiq təsnifatlandırılması, eləcə də nəticəyönümlü hesabatlılığın təmin olunmasına dair yanaşmaları diqqətə çatdırıb.
Sonra Səmərəliliyin qiymətləndirilməsi sektorunun baş məsləhətçisi Günay Rəhimli tərəfindən indikativ planlama haqqında məlumat verilib, indikator cədvəllərinin formalaşdırılması izah edilib.
Azərbaycan Respublikasının Dövlət Statistika Komitəsinin sədr müavini Yusif Yusifov çıxış edərək indikativ planlaşdırma istiqamətində həyata keçirilən işlərdən və digər dövlət qurumları ilə əməkdaşlığın əhəmiyyətindən bəhs edib. O, rəsmi statistikanın inkişafı ilə bağlı təsdiq edilmiş Dövlət Proqramı çərçivəsində görüləcək işlərin perspektivindən danışıb. Sonra digər icraçı qurumların nümayəndələri ilə Dövlət Proqramında nəzərdə tutulmuş tədbirlər üzrə əməkdaşlıq istiqamətləri müzakirə edilib.
Qeyd edək ki, “Azərbaycan Respublikasında rəsmi statistikanın inkişafına dair 2026–2030-cu illər üçün Dövlət Proqramı”nın təsdiq edilməsi haqqında Azərbaycan Respublikası Prezidentinin 25 dekabr 2025-ci il tarixli 860 nömrəli Sərəncamının 5-ci bəndinə əsasən, Dövlət Proqramında nəzərdə tutulmuş tədbirlərin icrasının monitorinqi və qiymətləndirilməsi Azərbaycan Respublikası Dövlət Statistika Komitəsinin sifarişi əsasında İqtisadi İslahatların Təhlili və Kommunikasiya Mərkəzi tərəfindən həyata keçirilir.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf