“Rəqəmsal iqtisadiyyat” dərsliyi nəşr olundu
Milli Aviasiya Akademiyası ilə İqtisadi İslahatların Təhlili və Kommunikasiya Mərkəzinin birgə hazırladığı “Rəqəmsal iqtisadiyyat” kitabı nəşr olunub.
Ölkəmizdə bu mövzuda ilk fundamental dərslik olan “Rəqəmsal iqtisadiyyat” kitabında rəqəmsallaşmanın iqtisadi inkişafın bütün sahələri üzrə rolu araşdırılıb. Elm və Təhsil Nazirliyinin əmri ilə çap hüququ verilən dərsliyin “Rəqəmsal transformasiyanın əsasları” adlı giriş hissəsində rəqəmsallaşmanın aktual problemlərinə diqqət çəkilir, yeni tendensiyanın iqtisadi ənənələri kökündən dəyişdirdiyi qeyd olunur. Kitabda rəqəmsal transformasiyanın üç istiqamətinə - rəqəmsal hökumət, rəqəmsal iqtisadiyyat və rəqəmsal cəmiyyətə keçiddə ən vacib amilin insanın rəqəmsal hazırlığı olduğu vurğulanır. Dərslikdə mövzular altı fəsildə qruplaşdırılır: rəqəmsallaşma və onun iqtisadi təsirləri, rəqəmsal iqtisadiyyatın infrastrukturu, rəqəmsal iqtisadiyyata sektoral baxış, elektron ticarət və rəqəmsal Azərbaycan.
Bu fəsillərdə rəqəmsallaşma prosesinə ümumi baxış ortaya qoyulur, mövcud yanaşmalara istinadlar edilir, yeni meqatrend kimi rəqəmsal transformasiyaya ətraflı şərh verilir, onun iqtisadi təzahürlərinin ənənəvi iqtisadiyyatdan fərqləri izah olunur, rəqəmsal iqtisadiyyatın infrastrukturuna nəzər salınır, yeni rəqəmsal dövrdə dövlətləri və cəmiyyətləri gözləyən problemlər sadalanır.
“Rəqəmsal iqtisadiyyat” dərsliyinin müəllifləri Vüsal Qasımlı, Məsumə Talıbova, Günay Quliyeva, Ayaz Müseyibov, Fuad Mirzəyev, Ayxan Qədəşov və Gülnarə Əhmədovadır.
Kitabla Azərbaycan dilində https://bit.ly/3Lc5G6u, ingilis dilində isə https://bit.ly/3nd50pw linkləri vasitəsilə tanış olmaq mümkündür. Kitabın video izahı ereforms.gov.az saytında videolar bölümündə (https://bit.ly/4445cbj) yerləşdirilib









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf