Pirallahıda Sənaye Parkı yaradılacaq
Qeyri-neft sənaye sahələrinin davamlı inkişafına dövlət dəstəyinin daha da artırılması məqsədilə, Azərbaycan Respublikası Prezidenti, İlham Əliyev 14 sentyabr 2016-cı il tarixli sərəncamı ilə Pirallahı Sənaye Parkının yaradılması haqqında hökumətə müvafiq tapşırıqlar vermişdir. Sərəncama əsasən, Pirallahı Sənaye Parkının səmərəli fəaliyyətini təşkil etmək və parkın yerləşəcəyi ərazinin istifadəyə yararlı vəziyyətə gətirilərək xarici və daxili infrastrukturunun (elektrik və istilik enerjisi, qaz, su, kanalizasiya, rabitə, nəqliyyat, yanğından mühafizə, istehsal təyinatlı, inzibati, sosial və digər infrastruktur obyektləri) yaradılmasını təmin etmək məqsədi ilə Azərbaycan Respublikası Prezidentinin ehtiyat fondundan Azərbaycan Respublikasının İqtisadiyyat Nazirliyinə ilkin olaraq 4,0 (dörd) milyon manat ayrılması nəzərdə tutulur. Parkın fəaliyyətinin idarə olunması və inkişafı ilə bağlı tədbirlərin həyata keçirilməsi isə Azərbaycan Respublikası İqtisadiyyat Nazirliyinin tabeliyində yaradılmış “Sumqayıt Kimya Sənaye Parkı Məhdud Məsuliyyətli Cəmiyyət”inə həvalə edilmişdir.
Məsələyə münasibət bildirən İqtisadi İslahatların Təhlili və Kommunikasiya Mərkəzi qeyd etmişdir ki, burada əsas məqsəd sənaye sahəsində sahibkarlıq fəaliyyətinin daha da genişləndirilməsi, qabaqcıl texnologiyalara əsaslanan rəqabətqabilliyyətli və innovativ sənaye sahələrinin yaradılmasına dövlət dəstəyinin davam etdirilməsi ilə yanaşı, ictimai tələbat üçün mühüm əhəmiyyət daşıyan əczaçılıq sənayesinin inkişaf etdirilməsi xarakteri daşıyır. Belə ki, rəqabətqabilliyyətli əczaçılıq sənayesinin dövlət dəstəyinə əsaslanaraq inkişaf etdirilməsi və sənaye üzrə xüsusi çəkisinin artırılması əczaçılıq məhsullarının idxalından asılılığın azaldılmasına və müvafiq olaraq əhalinin dərman vasitələrinə olan tələbatının ödənilməsində yerli istehsalın təşviq edilməsinə münbit şərait yaradacaqdır. Burada onu da vurğulamaq yerinə düşər ki, son dövrlərdə qlobal və regional bazarlarda müşahidə olunan dəyişikliklərin idxal olunan malların qiymət göstəricilərinə təsir imkanlarını nəzərə alsaq, bu addım səhiyyə sektoru üzrə ictimai məmnuniyyətin yüksəldilməsi istiqamətində uzunmüddətli dövr üçün strateji əhəmiyyət daşımaqdadır. Əlavə olaraq, bu sahənin məqsədyönlü şəkildə dövlət strategiyasının tərkib hissəsi kimi inkişaf etdirilməsinin kimya sənayesi məhsullarının çeşidliliyinin artırılmasına və ixrac potensialının genişləndirilməsinə tövhə verəcəyi gözlənilir. Bu da eyni zamanda istehsal sahəsində əhalinin məşğulluğunun artırılması ilə yanaşı, ixtisaslı əmək qüvvəsinin sənayedə xüsusi çəkisinin artmasına şərait yaradacaqdır.
Ekspert yazıları
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq
Ayhan Satıcı
Türk Dünyası Araşdırmaları Mərkəzinin rəhbəri
Özbəkistan Prezidentinin dövlət səfəri iqtisadi münasibətlərin də dərinləşməsində yeni mərhələdir