“İslahat Könüllüləri”nin təşəbbüsü ilə millət vəkili Aqil Məmmədovla görüş keçirilib
Azərbaycan Respublikası İqtisadi İslahatların Təhlili və Kommunikasiya Mərkəzində (İİTKM) “İslahat Könüllüləri”nin təşəbbüsü ilə Azərbaycan könüllüləri və tələbələrinin millət vəkili Aqil Məmmədov ilə “Yaşıl dünya naminə həmrəylik” mövzusunda görüşü keçirilib.
Görüşdə deputat Aqil Məmmədov əvvəlcə ictimai, siyasi və tarixi əhəmiyyətə malik Milli Qurtuluş Günü, Ulu öndər Heydər Əliyevin rəhbərliyi ilə ölkəmizdə həyata keçirilmiş mütərəqqi islahatlar, ardıcıl və məqsədyönlü iqtisadi və sosial siyasət barədə gənclərə məlumatlar verib. O qeyd edib ki, Ümummilli Lider Heydər Əliyevin uğurlu daxili və xarici siyasəti Prezident İlham Əliyevin rəhbərliyi ilə yüksək səviyyədə davam və inkişaf etdirilir. Nəticədə, Azərbaycan beynəlxalq müstəvidə artan nüfuza malik ölkədir.
A.Məmmədov, o cümlədən, Qarabağ, Şərqi Zəngəzur və Naxçıvanın “yaşıl enerji” zonası elan olunması, ölkəmizdə 2024-cü ilin “Yaşıl dünya naminə həmrəylik” ili elan edilməsi və bu sahədə görülmüş işlər haqqında danışıb.
Daha sonra İİTKM-in şöbə müdiri Aqil Əsədov çıxış edərək, gənclərə cəmiyyətdə yaşıl münasibətlərin və yaşıl düşüncənin formalaşmasının əhəmiyyətini qeyd edib.
İnteraktiv keçən görüşdə gənclər mövzu ilə bağlı fikirlərini bölüşüb, millət vəkilinə suallar ünvanlayıblar.
Qeyd edək ki, görüşdə "MEDİA Könüllüləri" proqramı, "Bir Könüllü" Tələbə Təşkilatı, "Ailəm könüllüləri" proqramı, Ekokönüllü, "Miqrasiya könüllüləri", "SOCAR könüllüləri", "Regional İnkişaf" İctimai Birliyinın könüllüləri iştirak edib.
Ekspert yazıları
Vüsalə Cəfərova
Türk Dünyası Araşdırmalar Mərkəzinin rəhbəri
Azərbaycan və Tacikistan arasında iqtisadi-ticarət əlaqələrinin perspektivləri
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq