İİTKM “İslam Əməkdaşlığı Ölkələrinin iqtisadiyyatı” kitabının yazılması üçün müəllifləri əməkdaşlığa dəvət edir
Azərbaycan Respublikası İqtisadi İslahatların Təhlili və Kommunikasiya Mərkəzi (İİTKM) “İslam Əməkdaşlığı Ölkələrinin iqtisadiyyatı” kitabının yazılmasında iştirak etmək istəyən təcrübəli və bu sahəyə bələd müəlliflər axtarışındadır.
Bu təşəbbüs İslam Əməkdaşlıq Təşkilatının (İƏT) nəzdində fəaliyyət göstərən İslam Ölkələri üçün Statistik, İqtisadi və Sosial Tədqiqatlar və Tədris Mərkəzi (SESRIC) ilə əməkdaşlıq çərçivəsində hazırlanacaq. Məqsəd İƏT-ə üzv dövlətlərin iqtisadi mənzərəsi, çağırışları və imkanları haqqında ətraflı məlumat verməkdir.
Seçiləcək müəlliflər qarşısında qoyulan əsas tələb mövzuların İƏT ölkələrinə təsir edən iqtisadi siyasət və ticarət əlaqələri, investisiya mühiti, maliyyə sistemləri və sosial-iqtisadi amillərini geniş əhatə etməsi, lakin bununla məhdudlaşmamasıdır.
Bu məsələdə maraqlı olan müəlliflər iqtisadiyyat, beynəlxalq münasibətlər və ya əlaqəli sahələrdə böyük təcrübəyə malik olmalıdırlar. Seçim zamanı namizədlərin bu sahələrdə, xüsusən də İƏT ölkələrinə dair tədqiqat və nəşrlərinin olmasına üstünlük veriləcək.
Metodologiya, zaman qrafiki və təqdimetmə qaydaları üçün linkə keçid edə bilərsiniz: https://bitly.ws/3dPzM.
Təkliflər 15 fevral 2024-cü il tarixinə qədər təqdim edilməlidir. Təfərrüatlı plan, nümunə fəsil və müəllifin tərcümeyi-halı daxil olmaqla, yekun sənədlərin qəbulu 15 fevral 2024-cü il tarixinə qədərdir. Yazıların göndəriləcəyi ünvan: vusala.jafarova@ereforms.gov.az.
Qeyd: Kitabın ingilis dilində hazırlanması nəzərdə tutulub.
Qiymətləndirmə və seçim:
Namizədlər onların qeyd edilən sahə üzrə peşəkar fəaliyyəti, təklif olunan metodologiyanın məqsədəuyğunluğu və təqdim edilən materialların İƏT ölkələrinin iqtisadi mənzərəsini yarada bilməsi meyarları əsasında qiymətləndiriləcək. Seçim komitəsi 15 yanvar 2024-cü il tarixinədək seçilmiş müəllifi elan edəcək.
Ekspert yazıları
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq
Ayhan Satıcı
Türk Dünyası Araşdırmaları Mərkəzinin rəhbəri
Özbəkistan Prezidentinin dövlət səfəri iqtisadi münasibətlərin də dərinləşməsində yeni mərhələdir