Harvard Universiteti Azərbaycan iqtisadiyyatı barədə bloq yayımladı

Harvard Universiteti Azərbaycan iqtisadiyyatı barədə bloq yayımladı

Harvard Universitetinin Beynəxalq İnkişaf Mərkəzi “Dövlət quruculuğu” proqramı Azərbaycan iqtisadiyyatı barədə bloq paylaşıb. “Azərbaycanda iqtisadi şaxələndirmənin tətbiqi” adlanan bloqun müəllifi Harvard Universitet Kennedi İdarəçilik Məktəbində “İqtisadi artımın idarə edilməsi” üzrə Rəhbər kadrların hazırlanması proqramının məzunu, professor, iqtisad elmləri doktoru Vüsal Qasımlıdır. Bloqda qeyd olunur ki, son 15 ildə iqtisadiyyatını üç dəfədən çox böyütmüş Azərbaycan qarşıdakı 10 ildə daha iki dəfə böyüməni hədəfləyib. Azərbaycan və Ermənistan arasında atəşkəs razılaşmasından dərhal sonra 30 il ərzində viran edilmiş ərazilərdə post-konflikt quruculuğuna başlayan Azərbaycan 2030 hədəflərini BMT-nin Davamlı inkişaf məqsədləri ilə uzlaşdırır. Azərbaycanın 2014-2019-cu illərdə ən çox birbaşa xarici sərmayə cəlb edən üç ölkədən biri olması qeyd olunmaqla yanaşı, növbəti dövrdə də sərmayə cəlbinin iqtisadi artım üçün vacibliyi bildirilir.

Bloqda həmçinin Azərbaycan iqtisadiyyatının şaxələndirilməsi üzrə fəaliyyətdə iqtisadi mürəkkəblik indeksi, balanslaşdırılmış portfel, “üç A” yanaşması, problemin hərəkətə gətirdiyi iterasiya olunan metod və Harvard Universitetinin proqramına daxil edilən digər metodoloji yanaşmaların tətbiqinə yer ayrılır.

“Azərbaycanda iqtisadi şaxələndirmənin tətbiqi” adlanan bloqla bu link vasitəsilə tanış olmaq mümkündür:

https://buildingstatecapability.com/2022/01/13/exploring-economic-diversification-in-azerbaijan

Şriftin ölçüsü

A A A

Saytın rəngi

R R R