EnterpriseAzerbaijan.com portalı və Techstars şirkəti əməkdaşlığa başlayır

EnterpriseAzerbaijan.com portalı və Techstars şirkəti əməkdaşlığa başlayır

EnterpriseAzerbaijan.com global reytinqdə ən yüksək iqtisadi nəticələr üzrə lider olan Techstars akselerator proqramı ilə əməkdaşlıq üçün danışıqlar aparır. Dünya üzrə məhşur Techstars 2006-cı ildə Koloradoda qurulmuş Amerika Birləşmiş Ştatlarının toxum akseleratorudur. Techstars şirkəti üç əsas ideya ilə başlamışdır – sahibkarlar gələcəyi yaradır, əməkdaşlıq innovasiyaları idarə edir və böyük startaplar hər an yaradıla bilər. Bu gün əsas missiya innovasiyaları hər yerdə və hər kəs üçün əlçatan etməkdir. Techstars şirkətinin əsas missiyası startap layihələrinin ilk mərhələsinin həyata keçirilməsi üçün toxum maliyyələşməsini təmin etməkdir.

2006-cı ildən Techstars şirkəti 2200-dən çox şirkətə sərmayə qoyub və bu gün üçün bazar kapitalı 27 milyard dollar təşkil edir.

Xatırladaq ki, EnterpriseAzerbaijan.com portalının operatoru İqtisadi İslahatların Təhlili və Kommunikasiya Mərkəzidir.