Azxeport portalı 9 rayonun sahibkarları ilə görüşdü
İqtisadi İslahatların Təhlili və Kommunikasiya Mərkəzinin Azərbaycanda ixrac imkanlarını genişləndirmək üçün sahibkarlara dəstək olan Azexport portalı bölgələrdə fəaliyyət göstərən kiçik və orta sahibkarlarla görüşünü davam etdirib. Yevlaxda təşkil olunan görüşdə Mingəçevir, Ağcabədi, Ağdaş, Bərdə, Göyçay, Kürdəmir, Ucar və Zərdab da daxil olmaqla 9 rayondan 130 sahibkar iştirak edib. Qeyd edək ki, görüşün keçirilməsində əsas məqsəd sahibkarlara Azərbaycanda ixrac imkanlarını genişləndirmək üçün nəzərdə tutulan Azexport.az portalı barədə geniş məlumat verməkdir.
Sahibkarlarla keçirilən görüşdə Yevlax Rayon İcra Hakimiyyəti başçısı Qoca Səmədov deyib ki , Yevlax və ətraf rayonlarda fəaliyyət göstərən sahibkarların fəaliyyət sahələrindəki məhsuldarlıq ixrac imkanlarına uyğundur. Buna görə də onlar Azexport portalı ilə əməkdaşlıqda maraqlıdırlar.
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı isə son dövrlər Azərbaycanda həyata keçirilən iqtisadi islahatlardan və bu prosesin fonunda sahibkarların ixrac imkanlarının genişlənməsi barədə danışıb. O bildirib ki, kiçik və orta sahibkarlıq yeni iş yerlərinin yaranması ölkələrdə iqtisadi inkişafı dəstəkləmək naminə böyük əhəmiyyət kəsb edir. Azexport portalı da məhz bu baxımdan sahibkarlara real imkanlar və şərait yaradır. Vüsal Qasımlı həmçinin sahibkarların yaradılmış şəraitdən səmərəli istifadə etməyinin vacibliyini vurğulayıb.
Daha sonra Azexport.az portalının rəhbəri Zaur Qardaşov sahibkarlara portalın funksionallığı, vahid məlumat bazasının işləmə prinsipi, məhsul və xidmətlər haqqında məlumatların portala daxil edilmə yolları, eyni zamanda, portalın ixracatçılara təklif etdiyi əlavə imkanlar barədə ətraflı məlumat verib.
Sonra görüşdə iştirak edən sahibkarların ölkəmizdə aparılan iqtisadi islahatlar, habelə Azexport.az-la əməkdaşlıq imkanları barədə sualları cavablandırılıb.
Qeyd edəki, Azexport.az portalına əsasən Çin, Rusiya, Gürcüstan, Misir, Belarus, Pakistan, Toqo və digər ölkələrdən olmaqla, əsasən şərab, toyuq əti, yumurta, müxtəlif şirələr, alma, viski və digər məhsullara dair sifarişlər gəlir. Azexport portalı təchizat zənciri üzrə bütün xidmətlərə - sertifikatlaşdırma, nəqliyyat, logistika, bazarlara çıxış, ödəmə imkanları yaradır.
Əlavə edək ki, sahibkarların tam məlumatlılığını təmin etmək, onların problemlərini dinləyib müzakirə etmək üçün Azexport komandası indiyə qədər Bakinın rayonlarında 500-ə yaxın, eləcə də Şamaxı, Xızı, Ağsu , İsmayıllı, Şəki, Balakən, Qax, Oğuz, Qəbələ,və Zaqatala bölgəsindən isə 200 –dən artıq kiçik və orta sahibkarla görüş keçirib.
Qeyd edək ki, Azexport.az portalı Prezident İlham Əliyevin "Azərbaycan Respublikasında istehsal olunan malların vahid məlumat bazasının yaradılması haqqında" 2016-cı il 21 sentyabr tarixli Sərəncamı əsasında yaradılıb. Portala beş mindən artıq yerli istehsal olan məhsul daxil edilib.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf