![“Azexport”un rəhbəri Almaniyada rəqəmsallaşma ilə bağlı təlimdə iştirak edib](https://ereforms.gov.az/files/news/full/f494b89b1af257fb36558a9c2f7702b4.jpeg)
“Azexport”un rəhbəri Almaniyada rəqəmsallaşma ilə bağlı təlimdə iştirak edib
İqtisadi İslahatların Təhlili və Kommunikasiya Mərkəzinin (İİTKM) operatoru olduğu “Azexport” portalının rəhbəri Ayxan Qədəşov "Avropa İttifaqının Şərq Tərəfdaşlığı ölkələrində kiçik və orta müəssisələrin rəqəmsal transformasiyası" regional texniki yardım layihəsi çərçivəsində təşkil olunmuş təlim proqramında iştirak edib. Təlim Almaniya Beynəlxalq Əməkdaşlıq Cəmiyyəti (GIZ) tərəfindən bu ölkənin Manheim şəhərində keçirilib.
Təlim çərçivəsində A.Qədəşov iştirakçılara “Azexport” portalının imkanları barədə məlumat verib, portalın virtual reallıq əsaslı texnologiyalardan istifadə etməklə yaradılan sərgi və konfrans zalı layihələrində iştirakını diqqətə çatdırıb.
Təlimlərdə Manheim Universitetinin professor və müəllimləri rəqəmsallaşmaya, o cümlədən kiçik və orta sahibkarlıq müəssisələrinin rəqəmsallaşması və rəqəmsal innovasiya habı sahələrində tətbiq olunan həllərə dair ən son yeniliklər barədə məlumat veriblər, müvafiq təqdimatlar ediblər.
Qeyd edək ki, 10-15 dekabr tarixlərini əhatə edən təlim çərçivəsində Azərbaycan və Gürcüstandan olan iştirakçılar müxtəlif dövlət qurumları və rəqəmsallaşma sahəsində fəaliyyət göstərən özəl təşkilatları ziyarət ediblər, yeniliklərlə tanış olublar.
![“Azexport”un rəhbəri Almaniyada rəqəmsallaşma ilə bağlı təlimdə iştirak edib](https://ereforms.gov.az/files/news/images/full/73992ea00df6d97c81be3043.jpeg)
![“Azexport”un rəhbəri Almaniyada rəqəmsallaşma ilə bağlı təlimdə iştirak edib](https://ereforms.gov.az/files/news/images/full/c80676d086e1950b24931244.jpeg)
![“Azexport”un rəhbəri Almaniyada rəqəmsallaşma ilə bağlı təlimdə iştirak edib](https://ereforms.gov.az/files/news/images/full/2ac4384d9645cc24db9e5225.jpeg)
Ekspert yazıları
Vüsalə Cəfərova
Türk Dünyası Araşdırmalar Mərkəzinin rəhbəri
Azərbaycan və Tacikistan arasında iqtisadi-ticarət əlaqələrinin perspektivləri
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq