![“Azexport” portalının rəhbəri "Nakchivan Industry Meet Up" tədbirində iştirak edib](https://ereforms.gov.az/files/news/full/3ac587d8314ca3da6c8e419c3e3a5c31.jpeg)
“Azexport” portalının rəhbəri "Nakchivan Industry Meet Up" tədbirində iştirak edib
İqtisadi İslahatların Təhlili və Kommunikasiya Mərkəzinin (İİTKM) operatoru olduğu “Azexport” portalının rəhbəri Ayxan Qədəşov "Caspian Energy Club"ın təşkilatçılığı ilə Naxçıvan şəhərində keçirilən "Nakchivan Industry Meet Up" (Naxçıvan Sənaye Görüşü) tədbirində iştirak edib.
"Azerbaijan Industry Week - 2023" (Azərbaycan Sənaye Həftəsi - 2023) proqramı çərçivəsində təşkil olunan tədbirdə Naxçıvan Muxtar Respublikasından olan istehsalçılar və dövlət qurumlarının numayəndələri ilə yanaşı, ölkənin ayrı-ayrı bölgələrindən olan sahibkarlar da iştirak ediblər.
Tədbirdə çıxış edən A.Qədəşov bildirib ki, “Azexport” portalı olaraq Naxçıvan Muxtar Respublikasında istehsal olunan məhsulların xarici bazarlara elektron ticarət platformaları vasitəsilə çıxarılması istiqamətində daha geniş miqyasda işlərin görülməsi üçün məhsuldar görüşlər keçirilib. Geniştərkibli formatda keçirilmiş görüşlərin təşkili bölgələrarası əlaqələrin inkişafı üçün xüsusi əhəmiyyət kəsb edir. “Naxçıvan Muxtar Respublikasının Türkiyə ilə sərhəddə yerləşməsi burada istehsal olunan məhsulların Avropa və digər ölkələrə daha rahat çıxarılması üçün unikal logistik imkanlar təqdim edir”,- deyə “Azexport”un rəhbəri bildirib.
Qeyd edək ki, tədbir çərçivəsində qonaqlar Naxçıvan Muxtar Respublikasında qida və sənaye məhsulları istehsal edən müəssisələri ziyarət ediblər.
![“Azexport” portalının rəhbəri "Nakchivan Industry Meet Up" tədbirində iştirak edib](https://ereforms.gov.az/files/news/images/full/c1107106521b935a01b27485.jpeg)
Ekspert yazıları
Vüsalə Cəfərova
Türk Dünyası Araşdırmalar Mərkəzinin rəhbəri
Azərbaycan və Tacikistan arasında iqtisadi-ticarət əlaqələrinin perspektivləri
Nicat Hacızadə
İİTKM-in şöbə müdiri
Azərbaycanda ilin əvvəli ilə müqayisədə inflyasiyanın səviyyəsi enib
Aqil Əsədov
Strateji planlaşdırma şöbəsinin müdiri
Beynəlxalq nəqliyyat dəhlizlərindən istifadə müasir dövrün çağırışıdır
Ayhan Satıcı
Türk Dünyası Araşdırmaları Mərkəzinin rəhbəri
Azərbaycan Türk dünyasında ticari-iqtisadi potensialın artırılmasında əsas drayverlərdəndir
Təranə Salıfova
Monitorinq və qiymətləndirmə şöbəsinin müdiri
İİTKM-in şöbə müdiri Təranə Salıfova: "Qarabağda bayrağımızın ucaldılması ölkə iqtisadiyyatına xüsusi töhfə verəcək"
Aqil Əsədov
Strateji planlaşdırma şöbəsinin müdiri
Dövlət Başçılarının 5-ci Məşvərət görüşü regionda inteqrasiya proseslərini daha da sürətləndirəcək
Elnur Ələkbərov
İqtisadi təhlil şöbəsinin müdir müavini
Azərbaycanda 2026-cı ilə kimi sosial xidmətin keyfiyyəti əhəmiyyətli dərəcədə artırılacaq