Azexport portalı “World Net Summit”də təqdim olunub

Azexport portalı “World Net Summit”də təqdim olunub

İqtisadi İslahatların Təhlili və Kommunikasiya Mərkəzinin operatoru olduğu Azexport portalının rəhbəri Ayxan Qədəşov “World Net Summit” adlı beynəlxalq onlayn konfransda çıxış edib . Ayxan Qədəşov  "Corporation Innovation Forum" mövzusunda olan paneldə Portalın iş mexanizmi, sahibkarlara göstərdiyi xidmətlər, təqdim olunan innovasiyalar  barədə ətraflı məlumatlar təqdim edib.

İki gün davam edən “World Net Summit” beynəlxalq konfransı çərçivəsində internet, maliyyə, bankçılıq, texnologiya, nəqliyyat, investisiya, biznes, sığorta, innovasiya və digər əlaqəli sahələri əhatə edən “Monex Summit Caspian”, “Global Influencer Day”, “Government Address”, “AutoTech Conf”, “StartUp Academy”, “Venture Summit”, “Corporate Innovation Forum” kimi beynəlxalq onlayn panelləri təşkil olunub (https://worldnetsummit.com/).

“World Net Summit” beynəlxalq təşkilatların, dövlət qurumlarının, ictimai təşkilatların nümayəndələri, mikro, kiçik və orta sahibkarlar, investorlar, ekspertlər və startapçıları bir araya gətirən mühüm platformadır.

Azexport portalı “World Net Summit”də təqdim olunub
Azexport portalı “World Net Summit”də təqdim olunub