İİTKM-də Turizm üzrə Dövlət Proqramının icrası ilə bağlı görüş keçirilib
İqtisadi İslahatların Təhlili və Kommunikasiya Mərkəzində (İİTKM) “Azərbaycan Respublikasında turizmin inkişafına dair 2026–2030-cu illər üçün Dövlət Proqramı”nın icrası ilə bağlı görüş keçirilib.
Görüşdə Dövlət Proqramının Tədbirlər Planı üzrə monitorinq və qiymətləndirmə çərçivəsinin formalaşdırılması, o cümlədən nəticə indikatorlarının, ölçü vahidlərinin, baza və illər üzrə hədəf göstəricilərinin müəyyənləşdirilməsi, həyata keçiriləcək layihələrin siyahısının formalaşdırılması, eləcə də icraçı qurumlar arasında koordinasiya məsələləri müzakirə olunub.
İİTKM-in icraçı direktorunun müavini Təranə Salıfova çıxış edərək Dövlət Proqramının monitorinq və qiymətləndirilməsinin vahid yanaşma əsasında aparılmasının əhəmiyyətini vurğulayıb. O, Azərbaycan Respublikası Prezidentinin 2026-cı il 20 avqust tarixli 1182 nömrəli Sərəncamından, eləcə də bununla əlaqədar Azərbaycan Respublikası Nazirlər Kabineti tərəfindən qəbul edilmiş Sərəncamdan irəli gələn vəzifələr barədə məlumat verib. Dövlət Proqramının monitorinq və qiymətləndirmə prosesinin “e-monitorinq” portalında yaradılacaq müvafiq Modul vasitəsilə rəqəmsal formada həyata keçiriləcəyi bildirilib.
İİTKM-in Monitorinq və qiymətləndirmə şöbəsinin baş məsləhətçisi Simrah İsmayılova Tədbirlər Planının strukturu, prioritet istiqamətləri və monitorinq yanaşması ilə bağlı təqdimatla çıxış edib. Təqdimatda nəticələrə əsaslanan monitorinq modeli, Dövlət Proqramının 2030-cu il üzrə hədəfləri ilə Tədbirlər Planı arasındakı əlaqə, həmçinin tədbirlərin əsas icraçı qurumlar üzrə bölgüsü barədə məlumat verilib.
Həmçinin Dövlət Proqramı çərçivəsində müəyyən ediləcək layihələr üzrə məlumatların sistemə daxil edilməsi və izlənilməsi mexanizmləri təqdim edilib. Görüşdə Dövlət Proqramında nəzərdə tutulan tədbirlərin əsas və digər icraçı orqanlarının (qurumlarının) nümayəndələri iştirak ediblər.
Qeyd edək ki, Azərbaycan Respublikası Prezidentinin Sərəncamına əsasən, “Azərbaycan Respublikasında turizmin inkişafına dair 2026–2030-cu illər üçün Dövlət Proqramı”nda nəzərdə tutulan tədbirlərin monitorinq və qiymətləndirilməsinin həyata keçirilməsi Dövlət Turizm Agentliyinin sifarişi əsasında İqtisadi İslahatların Təhlili və Kommunikasiya Mərkəzinə həvalə olunub.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf