İqtisadi İslahatların Təhlili və Kommunikasiya Mərkəzinin nəzdində “Bir Pəncərə” İxraca Dəstək Mərkəzi, Dövlət Vergi Xidmətinin Tədris Mərkəzi və Kapital Bankın birgə təşkilatçılığı ilə 3 iyul 2021-ci il tarixində Şamaxı rayonunda “Malların ixrac qeydi ilə satışı qaydası və vergitutma məsələləri” mövzusunda təlim keçiriləcəkdir.
Azərbaycan Respublikasının Nazirlər Kabinetinin 16.11.2020 tarixli 448 № li Qərarı ilə təsdiq olunan “Malların ixrac qeydi ilə satışı Qaydası” Azərbaycan Respublikası ərazisində istehsal olunmuş və ixrac üçün nəzərdə tutulan məhsulların istehsalçısı ilə qeyri-neft məhsullarının ixracatı sahəsində təcrübəsi olan peşəkar ixracatçılar arasında əməkdaşlığın şərtlərini müəyyən edir və işgüzar münasibətlərini tənzimləyir.
Qeyri-neft məhsullarının ixrac qeydi ilə satışını həyata keçirən istehsalçı və ixracatçıları əhatə edən təlim, sözügedən təşviq alətinin üstünlükləri və ixrac qeydi ilə alınan malların ixracının həyata keçirilməsi prosesi, o cümlədən “Malların ixrac qeydi ilə satış qaiməsi”nin yazılmasını özündə əhatə edir.
Tədbir dövlət-özəl əməkdaşlığı çərçivəsində sahibkarlar üçün ödənişsiz həyata keçiriləcək. Tədbirdə iştirak edən sahibkarların Şamaxı rayonunda yerləşən Tədris Mərkəzinə aparılması, çay və nahar fasilələri, habelə təlimdən sonra Şamaxı rayonunda gəzintinin həyata keçirilməsi (ödənişsiz əsaslarla) nəzərdə tutulur.
Qeyd edilən link vasitəsilə qeydiyyatdan keçən şəxslər 3 iyul 2021-ci il Şamaxı rayonunda “Malların ixrac qeydi ilə satışı Qaydası və vergitutma məsələləri” mövzusunda təlimin gündəliyi ilə tanış ola bilərlər.
Təlimin sonunda iştirakçılara sertifikat təqdim ediləcəkdir.
Mobil: (+994 50) 254 29 27 Ünvan
Şamaxı rayonu, Dövlət Vergi Xidmətinin Tədris Mərkəzi
Digər təlimlər
Şuşa şəhərində jurnalistlər üçün keçirilən iki günlük təlim yekunlaşıb
İslahat Könüllülərinin “Vikipediya- virtual reallıq” təlimlərinə start verilib
“Sahibkarlığa dəstək üçün startapların inkişaf etdirilməsi” mövzusunda təlim
“Yaradıcı Qığılcım” layihəsinin “Big Idea Challange 2022” idea yarışması
İİTKM-də gənc startapçılarla növbəti görüş
İngiltərənin Nyu Kastl Universitetinin nümayəndələri ilə tələbə və pedaqoqlar üçün hakaton
EnterpriseAzerbaijan-ın startapçıları ilə EY ilin iş adamının görüşü
Vikipediya- virtual reallıq