Vüsal Qasımlı Latviyanın Fiskal İntizam Şurasının sədri ilə görüşüb
İqtisadi İslahatların Təhlili və Kommunikasiya Mərkəzinin (İİTKM) icraçı direktoru, iqtisadi elmlər doktoru, professor Vüsal Qasımlı Latviya Universitetinin Tədqiqat İnstitutunun direktoru və Fiskal İntizam Şurasının sədri, professor İnna Şteinbukanı qəbul edib.
V.Qasımlı İİTKM-in fəaliyyət istiqamətləri, həyata keçirdiyi layihələr, eləcə də yaradılan monitorinq və qiymətləndirmə institutu barədə məlumat verib. O, həmçinin Azərbaycanda fiskal sahədə həyata keçirilən islahatlar, o cümlədən, ölkədə nəticəəsaslı və səmərəli idarəetmə konsepsiyasının tətbiqi məsələləri barədə qonağı məlumatlandırıb. İcraçı direktor həmçinin “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı” və “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nda nəzərdə tutulan tədbirlərin icrası üzrə işlərin gedişinə nəzarətin birbaşa, operativ və effektiv təmini məqsədilə yaradılmış portallar barədə ətraflı məlumat təqdim edib, bu portalların çoxfunksiyalı və interaktiv formada fəaliyyət göstərdiyini bildirib. V.Qasımlı qeyd edib ki, işğaldan azad olunmuş ərazilərdə müvafiq tədbirlərin icrası ilə bağlı yaradılmış bu hesabatlılıq mexanizmi özündə real vaxt rejimində müxtəlif analitik təhlillər aparmağa və qərarlar qəbul etməyə imkan verən və dövlət səviyyəsində yaradılmış qlobal miqyasda nadir nümunələrdəndir.
Latviya Fiskal İntizam Şurasının sədri İnna Şteinbuka görüşdə təqdim olunan məlumatlardan məmnunluq ifadə edib. O bildirib ki, qurumlar arasında əməkdaşlıq və təcrübə mübadiləsi həyata keçirmək üçün yaxşı imkanlar mövcuddur. O, həmçinin, rəhbərlik etdiyi şuranın Latviyada fiskal intizamın möhkəmləndirilməsi istiqamətində fəaliyyətləri barədə məlumat verib.
Qonaq “Bir Pəncərə” İxraca Dəstək Mərkəzi ilə də tanış olub.





Ekspert yazıları
Ayaz Museyibov
İİTKM-in icraçı direktorunun müavini
Süni intellektə strateji baxış ölkənin rəqəmsal gələcəyinin möhkəmlənməsində mühüm rol oynayacaq
İsa Qasımov
“Enterprise Azerbaijan” portalının rəhbəri
Sosial sahibkarlıq iqtisadiyyatın dayanıqlılığı üçün mühüm vasitədir
Aqil Əsədov
Strateji planlaşdırma şöbəsinin müdiri
İğdır-Naxçıvan qaz kəməri: sosial-iqtisadi, siyasi və strateji əhəmiyyəti
Nicat Hacızadə
İİTKM-in şöbə müdiri
Azərbaycan-Çin iqtisadi əlaqələrinin inkişafı ixrac bazarlarına müsbət təsir göstərəcək
Aygün Əhmədova
Strateji planlaşdırma şöbəsinin baş məsləhətçisi
Davos 2025: “İntellektual əsrdə sənayelər”
Elnur Ələkbərov
İqtisadi təhlil şöbəsinin müdir müavini
Davos 2025 “İnsanlara investisiya”
Aqil Əsədov
Strateji planlaşdırma şöbəsinin müdiri
Regionda Azərbaycanın iştirakı, razılığı olmadan hər hansı layihənin uğurla reallaşdırılması qeyri-mümkündür