İİTKM-də COMCEC Koordinasiya Ofisinin nümayəndələri ilə görüş keçirilib
İqtisadi İslahatların Təhlili və Kommunikasiya Mərkəzində (İİTKM) İslam Əməkdaşlıq Təşkilatının (İƏT) İqtisadi və Ticarət Əməkdaşlığı üzrə Daimi Komitəsinin (COMCEC) Koordinasiya Ofisinin nümayəndələri ilə görüş keçirilib. Görüşdə İİTKM-in icraçı direktorunun müavini Ramil Hüseyn Mərkəzin fəaliyyət istiqamətləri, o cümlədən monitorinq və qiymətləndirmə fəaliyyəti, Mərkəzin nəzdində fəaliyyət göstərən portallar barədə qonaqlara ətraflı məlumat verib.
Koordinasiya Ofisinin eksperti Yunus Kayış və dosent Ali Aycı isə “İƏT-ə üzv ölkələrdə e-ticarətin inkişaf etdirilməsi” mövzusunda hazırladıqları hesabat barədə danışıblar. Onlar e-ticarət sahəsində inkişaf etmiş ölkələrin təcrübələri əsasında islam ölkələrində bu sahədə vəziyyətin öyrənildiyini və nəticələrin hesabata daxil edildiyini bildiriblər. Qonaqlar bu sahədə Azərbaycanın əldə etdiyi nailiyyətlərin və inkişaf perspektivlərinin də İƏT üçün önəmli olduğunu vurğulayıblar.
Daha sonra “azexport.az” portalının rəhbəri Ayxan Qədəşov və Rəqəmsal Ticarət Qovşağının rəhbəri İsmət Mehrəliyeva Mərkəzin innovativ layihələri haqqında ətraflı məlumat veriblər və sualları cavablandırıblar. Qonaqlar “azexport.az” təcrübəsinin İƏT-ə üzv ölkələrin bir çoxu üçün yaxşı nümunə ola biləcəyini və bu təcrübənin də hazırladıqları hesabata daxil ediləcəyini bildiriblər.
Görüşdə həmçinin e-ticarətin inkişafı baxımından rəqəmsal həllərin tətbiqi, bu sahədə insan kapitalının inkişafı, təcrübə mübadiləsi, əsas çağırışlar və perspektivlər üzrə müzakirələr aparılıb.


Ekspert yazıları
Ayaz Museyibov
İİTKM-in icraçı direktorunun müavini
Süni intellektə strateji baxış ölkənin rəqəmsal gələcəyinin möhkəmlənməsində mühüm rol oynayacaq
İsa Qasımov
“Enterprise Azerbaijan” portalının rəhbəri
Sosial sahibkarlıq iqtisadiyyatın dayanıqlılığı üçün mühüm vasitədir
Aqil Əsədov
Strateji planlaşdırma şöbəsinin müdiri
İğdır-Naxçıvan qaz kəməri: sosial-iqtisadi, siyasi və strateji əhəmiyyəti
Nicat Hacızadə
İİTKM-in şöbə müdiri
Azərbaycan-Çin iqtisadi əlaqələrinin inkişafı ixrac bazarlarına müsbət təsir göstərəcək
Aygün Əhmədova
Strateji planlaşdırma şöbəsinin baş məsləhətçisi
Davos 2025: “İntellektual əsrdə sənayelər”
Elnur Ələkbərov
İqtisadi təhlil şöbəsinin müdir müavini
Davos 2025 “İnsanlara investisiya”
Aqil Əsədov
Strateji planlaşdırma şöbəsinin müdiri
Regionda Azərbaycanın iştirakı, razılığı olmadan hər hansı layihənin uğurla reallaşdırılması qeyri-mümkündür