Vüsal Qasımlı: Buxarest Sazişi Qarabağda “netto sıfır emissiya” zonasının yaradılmasına töhfə verəcək
Prezident İlham Əliyevin Ruminiyaya səfəri çərçivəsində dekabrın 17-də Buxarestdə “Azərbaycan Respublikası, Gürcüstan, Rumıniya və Macarıstan Hökumətləri arasında yaşıl enerjinin inkişafı və ötürülməsi sahəsində strateji tərəfdaşlıq haqqında” Saziş imzalanıb. Bu Saziş Azərbaycanın bir enerji ölkəsi kimi Avropanın enerji təhlükəsizliyinin təmin olunmasında, həmçinin Avropanın 2050-ci ilə qədər “yaşıl enerji” ilə bağlı məqsədlərinə çatmasında böyük rol oynayacaq. Prezident İlham Əliyev bu tarixi hadisəni dəyərləndirərkən Sazişin “yaşıl enerji” dəhlizinin yaradılması istiqamətində atılan mühüm addım olmasını vurğulayıb.
İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlı mövzu ilə əlaqədar fikirlərini bölüşüb.
Vüsal Qasımlı bildirib ki, Azərbaycandan Avropaya uzanacaq elektrik xətləri “yaşıl körpü” rolunu oynayaraq regionun enerji xəritəsini yenidən şəkilləndirəcək. Ölkəmiz Avropa İttifaqının etibarlı enerji tərəfdaşı kimi neft və təbii qazdan sonra bərpaolunan enerjinin təchizatı istiqamətində də mühüm tərəfdaşa çevriləcək: “Azərbaycan tarixən neft və qaz ölkəsi olsa da, bərpaolunan enerji mənbələrindən istifadənin inkişaf etdirilməsi üzrə geniş potensialı var. Azərbaycanın bərpaolunan enerji mənbələri quruda 27 heqavat (külək və günəş enerjisi), eləcə də Xəzər dənizinin ölkəmizə məxsus hissəsində 157 heqavat külək enerjisi olmaqla, Avropa ölkələrinə “yaşıl enerji”nin təchiz edilməsi və Avropanın enerji resurslarının şaxələndirilməsi üçün kifayət qədər potensiala malikdir”.
İcraçı direktor vurğulayıb ki, Azərbaycan tərəfindən qlobal iqlim dəyişmələrinə təsirlərin yumşaldılması təşəbbüslərinə töhfə olaraq 2050-ci ilə qədər könüllü öhdəlik kimi emissiyaların 40 faizədək azaldılması və işğaldan azad olunmuş ərazilərdə “netto sıfır emissiya” zonasının yaradılması üzrə ölkəmiz öhdəlik qəbul edib və imzalanan Saziş Azərbaycan üçün bu öhdəliklərin reallaşmasına da töhfəsini verəcək.
“Azərbaycan Respublikasının 2022-2026-cı illərdə sosial-iqtisadi inkişaf Strategiyası” çərçivəsində ölkənin “yaşıl enerji” məkanına çevrilməsi istiqamətində müəyyənləşən tədbirlər göstərir ki, Azərbaycanda ekoloji təmiz və iqtisadi cəhətdən səmərəli bərpaolunan enerji mənbələrindən istifadə genişləndirilməklə ölkənin tələbatı ilə yanaşı, “yaşıl enerji” təchizatçısına çevrilməsi planlaşdırılır.
Azərbaycanın Avropanın enerji təhlükəsizliyinin təminatında mühüm rol oynaması yüksək qiymətləndirilir.
“Enerji sahəsində Avropa İttifaqı ilə Azərbaycan arasında əməkdaşlıq əlaqələrinin möhkəmlənməsi istiqamətində bu ilin iyul ayında Avropa Komissiyasının Prezidenti Ursula Fon der Lyayen və Prezident İlham Əliyevin enerji sahəsində Strateji Tərəfdaşlığa dair Anlaşma Memorandumu imzalaması bir daha Azərbaycanla əməkdaşlığın xüsusi önəmini göstərdi. İmzalanan Sazişin əhəmiyyətini dəyərləndirərkən qeyd edək ki, Azərbaycanın “yaşıl enerji” ixracı imkanları Xəzər dənizi ilə Qara dəniz arasında “yaşıl körpü”nün əsasını qoyur”, - deyə Vüsal Qasımlı bildirib.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf