---

20 noyabr 1986-cı ildə Azərbaycan Respublikasının Qazax rayonunda anadan olub.

Təhsili

2004-2008-ci illərdə Bakı Dövlət Universitetində tarix ixtisası üzrə bakalavr təhsili alıb və bu fakültəni fərqlənmə diplomu ilə bitirib.

2008-2010-cu illərdə Azərbaycan Dövlət Pedaqoji Universitetində tarix istiqaməti üzrə magistr təhsili alıb və bu fakültəni fərqlənmə diplomu ilə bitirib.

2019-2023-cü illərdə Azərbaycan Dövlət İqtisad Universitetində iqtisadiyyat ixtisası üzrə ikinci ali təhsil alıb.

2016-2019-cu illərdə Azərbaycan Respublikası İqtisadiyyat Nazirliyinin İqtisadi İslahatlar Elmi Tədqiqat İnstitutunun Texnoloji innovasiyalar iqtisadiyyatı ixtisası üzrə dissertantı olub və 2021-ci ildə fəlsəfə doktoru proqramı üzrə dissertasiya işini müdafiə edib.

Pedaqoji fəaliyyəti

2020-2022-ci illərdə Azərbaycan Texniki Universitetinin Beynəlxalq ticarət, logistika və marketinq kafedrasının müəllimi vəzifəsində çalışıb.

2022-ci ildən Azərbaycan Texniki Universitetinin Biznesin İdarə Edilməsi (MBA) və SABAH magistratura qruplarında “Tədqiqat metodları” və “Akademik yazı və tədqiqat üsulları” fənlərini tədris edir.

Yerli və beynəlxalq mətbuatda dərc olunmuş 25-dən çox elmi və publisistik məqalə və tezislərin müəllifidir.

Əmək fəaliyyəti

2011-2015-ci illərdə İqtisadiyyat Nazirliyinin İqtisadi İslahatlar Elmi Tədqiqat İnstitutunda baş mütəxəssis, böyük elmi işçi vəzifələrində,

2015-2022-ci illərdə İqtisadiyyat Nazirliyinin İqtisadi İslahatlar Elmi Tədqiqat İnstitutunda Regionların davamlı inkişaf problemləri şöbəsinin müdiri və İnstitutun elmi katibi vəzifələrində,

2022-2023-cü illərdə İqtisadiyyat Nazirliyinin İqtisadi İslahatlar Elmi Tədqiqat İnstitutunda aparıcı elmi işçi vəzifəsində çalışıb.

2023-cü ilin aprel ayından sentyabr ayınadək İqtisadi İslahatların Təhlili və Kommunikasiya Mərkəzinin Monitorinq və qiymətləndirmə şöbəsinin Sosial-iqtisadi proqramların monitorinqi sektorunun müdiri, 2023-cü ilin sentyabr ayından avqust ayınadək Monitorinq və qiymətləndirmə şöbəsinin müdiri vəzifələrində çalışıb.

2024-cü ilin avqust ayında İqtisadi İslahatların Təhlili və Kommunikasiya Mərkəzinin icraçı direktorunun müşaviri vəzifəsinə təyin olunub.

Azərbaycan, ingilis və rus dillərini bilir.

Ailəlidir, bir övladı var.