Günay Rəhimli
Sosial-iqtisadi proqramların monitorinqi sektorunun müdiri v.i.e.
3 iyul 1994-cü ildə Azərbaycan Respublikasının Ağstafa rayonunda anadan olub.
Təhsili
2011-2015-ci illərdə Bakı Dövlət Universitetinin Tətbiqi riyaziyyat və kibernetika fakültəsində Kompüter elmləri ixtisası üzrə bakalavr pilləsini fərqlənmə diplomu ilə bitirib.
2015-2017-ci illərdə Bakı Dövlət Universitetinin Tətbiqi riyaziyyat və kibernetika fakültəsində Optimal idarəetmənin riyazi-iqtisadi üsulları ixtisası üzrə magistr təhsilini fərqlənmə diplomu ilə bitirib.
2018-2022-ci illərdə Azərbaycan Dövlət İqtisad Universitetinin nəzdində İqtisadi Araşdırmalar Elmi-Tədqiqat İnstitutunda “Ekonometriya; iqtisadi statistika” ixtisası üzrə doktorantura təhsili alıb, 2025-ci ildə “Sosial hesablar matrisi əsasında ümumi tarazlıq modelinin tədqiqi” mövzusunda dissertasiya işini müdafiə edib.
Pedaqoji fəaliyyəti
2021-ci ildə Bakı Dövlət Universitetində, 2025-ci ildə Azərbaycan Dövlət İqtisad Universitetində tədris aparıb.
Yerli və beynəlxalq jurnallarda, həmçinin konfrans materiallarında dərc olunmuş 35-dən çox elmi əsərin müəllifidir.
Əmək fəaliyyəti
2017-2025-ci illərdə Azərbaycan Dövlət İqtisad Universitetinin nəzdində İqtisadi Araşdırmalar Elmi-Tədqiqat İnstitutunda Sosial inkişaf problemləri, daha sonra Makroiqtisadi tədqiqatlar şöbəsində elmi işçi kimi fəaliyyət göstərib.
2025-ci ilin dekabr ayında İqtisadi İslahatların Təhlili və Kommunikasiya Mərkəzinin Monitorinq və Qiymətləndirmə şöbəsinin Səmərəliliyin qiymətləndirilməsi sektorunda baş məsləhətçi vəzifəsinə təyin olunub. 2026-cı ilin noyabr ayından Sosial-iqtisadi proqramların monitorinqi sektorunun müdiri vəzifəsini icra edir.
Azərbaycan və ingilis dillərini bilir.
