“Startup School 2” ilə bağlı növbəti tədbir Milli Aviasiya Akademiyasında keçirildi
İqtisadi İslahatların Təhlili və Kommunikasiya Mərkəzinin (İİTKM) operatoru olduğu “Enterprise Azerbaijan” portalı “Startup School 2 - AI for Green Solidarity” layihəsinin növbəti tanıtımını Milli Aviasiya Akademiyasında (MAA) keçirib. Tədbir Akademiyanın Tədris-metodiki şöbəsi, İnformasiya Texnologiyaları Mərkəzi və Kompüter sistemləri və proqramlaşdırma kafedrasının təşkilatçılığı ilə baş tutub.
Təqdimat zamanı “Enterprise Azerbaijan” portalının rəhbəri Mətanət Musayeva portalın fəaliyyəti haqqında tələbələrə məlumat verib, “Startup School 2” layihəsinin əhəmiyyətindən, əməkdaşlıq etdiyi nüfuzlı qurumlardan və bu layihənin gənc startapçılara təqdim etdiyi fürsətlərdən danışıb.
Portalın layihə meneceri Nəzrin Əkbərova isə tələbələrə ilkin müraciət forması, layihənin təsviri, qoyulan meyarlar və seçim qaydaları haqqında ətraflı məlumat verib, eyni zamanda auditoriyanı maraqlandıran sualları cavablandırıb.
Tədbir çərçivəsində gənclər arasında innovasiya və startap ekosisteminə həsr olunmuş viktorina keçirilib. Sual-cavabda ən fəal iştirak etmiş tələbələrə İİTKM-in ABŞ-ın Nevada Universiteti və Bakı Mühəndislik Universiteti ilə birgə hazırladığı “İnnovasiya və sahibkarlıq: startap ekosistemi” kitabı təqdim olunub.
Tələbələrlə görüşdən öncə “Enterprise Azerbaijan" portalının əməkdaşları Akademiyanın “Mülki Aviasiya Muzeyi”ndə Azərbaycanda aviasiya və kosmonavtikanın tarixi ilə tanış olublar.


Ekspert yazıları
Ayaz Museyibov
İİTKM-in icraçı direktorunun müavini
Süni intellektə strateji baxış ölkənin rəqəmsal gələcəyinin möhkəmlənməsində mühüm rol oynayacaq
İsa Qasımov
“Enterprise Azerbaijan” portalının rəhbəri
Sosial sahibkarlıq iqtisadiyyatın dayanıqlılığı üçün mühüm vasitədir
Aqil Əsədov
Strateji planlaşdırma şöbəsinin müdiri
İğdır-Naxçıvan qaz kəməri: sosial-iqtisadi, siyasi və strateji əhəmiyyəti
Nicat Hacızadə
İİTKM-in şöbə müdiri
Azərbaycan-Çin iqtisadi əlaqələrinin inkişafı ixrac bazarlarına müsbət təsir göstərəcək
Aygün Əhmədova
Strateji planlaşdırma şöbəsinin baş məsləhətçisi
Davos 2025: “İntellektual əsrdə sənayelər”
Elnur Ələkbərov
İqtisadi təhlil şöbəsinin müdir müavini
Davos 2025 “İnsanlara investisiya”
Aqil Əsədov
Strateji planlaşdırma şöbəsinin müdiri
Regionda Azərbaycanın iştirakı, razılığı olmadan hər hansı layihənin uğurla reallaşdırılması qeyri-mümkündür