İİTKM-də Özbəkistanın beyin mərkəzlərinin nümayəndələri ilə görüş keçirilib
İqtisadi İslahatların Təhlili və Kommunikasiya Mərkəzi (İİTKM) ilə Özbəkistanın beyin mərkəzlərinin nümayəndələri arasında görüş keçirilib. Görüşdə Özbəkistanın araşdırma mərkəzləri ilə yanaşı, ayrı-ayrı dövlət qurumları və nazirliklərinin nümayəndələri də iştirak ediblər.
İİTKM-in icraçı direktoru Vüsal Qasımlı Mərkəzin fəaliyyəti barədə qonaqlara ətraflı məlumat verib və bildirib ki, İİTKM ölkədə aparılan iqtisadi islahatların təhlili ilə yanaşı, hazırda dövlət proqramları, yol xəritələri və strategiyaların monitorinq və qiymətləndirilməsi ilə də məşğuldur. Azərbaycan-Özbəkistan münasibətlərinə toxunan Vüsal Qasımlı ölkələrimiz arasında iqtisadi əlaqələrin davamlı inkişaf etdiyini və bunda iki ölkə rəhbərlərinin siyasi iradələrinin xüsusi rolu olduğunu vurğulayıb. O, Azərbaycanda əlverişli biznes və investisiya mühiti barədə qonaqları məlumatlandırıb və deyib ki, işğaldan azad edilmiş ərazilərdə görülən bərpa-quruculuq işləri işgüzar fəallığı bir qədər də canlandırmaqla yanaşı, yeni imkanlar da açıb. V.Qasımlı özbək investorları bu əlverişli mühitdən faydalanmağa dəvət edib. İİTKM-in icraçı direktoru Özbəkistanın da Qarabağın bərpasında iştirak etdiyini, Füzulidə 960 yerlik məktəbin tikintisini maliyyələşdirdiyini xatırladıb. V.Qasımlı, həmçinin Mərkəzin nəşrləri və operatoru olduğu portallar barədə də ətraflı məlumat verib və Mərkəzin təcrübələrini özbək həmkarlarla bölüşməyə hazır olduğunu bildirib.
Özbək nümayəndə heyətinin rəhbəri, Özbəkistanın Mərkəzi Asiya Beynəlxalq İnstitutunun direktor müavini, keçmiş səfir Şerzod Fayziyev isə öz növbəsində, Azərbaycanın dinamik şəkildə inkişaf etdiyini və ciddi nəticələr ortaya qoyduğunu deyib. O, Özbəkistanın Orta Asiyanın, Azərbaycanın isə Cənubi Qafqazın lokomotivi olduğunu vurğulayıb və əlaqələrimizi daha da inkişaf etdirmək üçün böyük potensialın olduğunu bildirib. İİTKM-in fəaliyyətini məhsuldar hesab edən Ş.Fayziyev beyin mərkəzləri arasında əməkdaşlığın vacibliyini qeyd edib.
İİTKM-in nəzdində fəaliyyət göstərən Türk Dünyası Araşdırmalar Mərkəzinin (TDAM) rəhbəri vəzifələrini icra edən Ayhan Satıcı isə TDAM barədə qonaqlara ətraflı məlumat verib. Bildirib ki, TDAM digər türk dövlətləri ilə yanaşı, Özbəkistanın sosial-iqtisadi inkişafını xüsusi diqqət mərkəzində saxlayır və bu ölkənin inkişafını əks etdirən statistik məlumatları 8 dildə digər ölkələrlə paylaşır.
Daha sonra nümayəndə heyətləri arasında geniş fikir mübadiləsi aparılıb, qarşılıqlı maraq doğuran suallar cavablandırılıb. İİTKM-in icraçı direktorunun müavini Ramil Hüseyn və İctimaiyyətlə əlaqələr şöbəsinin baş məsləhətçisi Natiq Pənahlı da görüşdə iştirak ediblər.
Görüş çərçivəsində özbək qonaqlar “Bir Pəncərə” İxraca Dəstək Mərkəzinin fəaliyyəti ilə də tanış olublar.









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf