İİTKM BMT-dən mükafat aldı
İqtisadi İslahatların Təhlili və Kommunikasiya Mərkəzi (İİTKM) BMT-nin qlobal təşəbbüsü olan Ərzaq və Kənd Təsərrüfatı Təşkilatı tərəfindən nüfuzlu beynəlxalq mükafata layiq görülüb. Mərkəz 2025-ci il ərzində göstərdiyi fəal fəaliyyətə görə “Active Data Provider of the Year 2026” (2026-cı ilin ən fəal məlumat təminatçısı) statusu ilə təltif olunub.
Qeyd edək ki, BMT-nin FAO AGRIS platforması dünyada kənd təsərrüfatı və əlaqəli sahələr üzrə ən geniş elmi məlumat bazalarından biri olmaqla, müxtəlif ölkələrdən aparıcı elmi və analitik qurumları bir araya gətirir. Mükafat çərçivəsində İİTKM-ə həmçinin rəsmi beynəlxalq fərqləndirici nişan (badge) təqdim olunub. Bu nişan Mərkəzin rəsmi veb-saytında yerləşdirilərək onun “FAO AGRIS” qlobal şəbəkəsində aktiv və etibarlı tərəfdaş kimi statusunu vizual şəkildə təsdiqləyir.
İİTKM-in bu uğuru Azərbaycanın beynəlxalq elmi əməkdaşlıqda artan rolunun, məlumat əsaslı idarəetmə və analitik yanaşmaların tətbiqində əldə olunan nailiyyətlərin bariz göstəricisidir. Mərkəz bundan sonra da qlobal bilik mübadiləsinə töhfə verməyi, beynəlxalq platformalarda fəal iştirakını genişləndirməyi və ölkəmizin intellektual potensialını dünya miqyasında daha da tanıtmağı qarşıya məqsəd qoyur.
Qeyd edək ki, FAO AGRIS şəbəkəsində aktivliyin davam etdirilməsi bu nüfuzlu statusun gələcək illərdə də qorunub saxlanılması baxımından mühüm əhəmiyyət kəsb edir. İİTKM bu istiqamətdə fəaliyyətini davam etdirərək beynəlxalq tərəfdaşlıqlarını daha da gücləndirməyi planlaşdırır.
Mənbə: https://www.fao.org/agris/data-provider/center-analysis-economic-reforms-and-communication









Ekspert yazıları
Ayxan Qədəşov
Azexport portalının rəhbəri
Azərbaycan və Böyük Britaniya: Strateji müttəfiqliyin yeni iqtisadi və siyasi üfüqləri
Əbdülrəhim Dadaşov
Monitorinq və qiymətləndirmə şöbəsinin müdir müavini
Tikintiyə icazə sahəsində islahatlar biznes mühitinin keyfiyyət göstəricilərinin yaxşılaşdırılmasına töhfə verir
İlyas Hüseynov
Türk Dünyası Araşdırmalar Mərkəzinin rəhbəri
Azərbaycanın TDT-yə sədrliyi: iqtisadi-ticari əməkdaşlığın dərinləşdirilməsi və türk dünyasının regional iqtisadi gücünün…
İsa Qasımov
“Enterprise Azerbaijan” portalının rəhbəri
Texnoparklarda yeni imkanlar: innovasiyaların kommersiyalaşdırılması və ixracı
Əbdülrəhim Dadaşov
Monitorinq və qiymətləndirmə şöbəsinin müdir müavini
Qarabağ Milli Parkının yaradılması regionda ekoloji bərpa və dayanıqlı turizm üçün yeni imkanlar formalaşdırır
Sevinc Cabbarova
Monitorinq və qiymətləndirmə şöbəsinin aparıcı məsləhətçisi
Yeni dərman istehsalı müəssisəsi yerli əczaçılıq sənayesinin inkişafına yeni imkanlar açır
Təranə Salıfova
İİTKM-in icraçı direktorunun müşaviri
Böyük Qayıdış yeni mərhələdə: dayanıqlı məskunlaşma və iqtisadi inkişaf