EU4Digital təşəbbüsü ilə Azərbaycan şirkətləri üçün e-ticarət konsultasiya mərkəzi fəaliyyətə başlayacaq

EU4Digital təşəbbüsü ilə Azərbaycan şirkətləri üçün e-ticarət konsultasiya mərkəzi fəaliyyətə başlayacaq

İqtisadi İslahatların Təhlili və Kommunikasiya Mərkəzinin operatoru olduğu Rəqəmsal Ticarət Qovşağı (DTH) və Azexport portalının tərəfdaşı EU4Digital təşəbbüsü ilə Azərbaycanda yerli şirkətlər üçün e-ticarət konsultasiya mərkəzi fəaliyyətə başlayacaq. Layihənin reallaşdırılmasında əsas məqsəd bizneslərə beynəlxalq bazara çıxış, logistika, marketinq, vergi və digər sahələrdə yaranan çağırışlarda dəstək olmaqdır.

2023-cü ilin mart, aprel və may aylarını əhatə edən layihədə iştirak Azərbaycan bizneslərinə beynəlxalq bazarlarda qeydiyyatdan keçmək, e-ticarət üçün düzgün məhsulları və onların marketinq strategiyasını seçmək, müştərilərə effektiv xidmət göstərmək, logistik imkanlardan istifadə, hesabın və ya məhsulun bloklanma səbəblərini anlamaq, e-ticarətlə bağlı yaranan hüquqi, vergi, maddi-texniki və digər problemlərə həll yollarını tapmaq imkanı yaradacaq.  Layihə haqqında ətraflı:

Əhatə olunan bazarlar:

- Amazon, Allegro, Ebay, Otto, ETSY, Bol.com, Zalando, Kaufland, Pigu.It

Əhatə dairəsi:

• Xüsusi e-ticarət mövzuları və seçilmiş bazarlar (məsələn, Amazon, eBay) üzrə 4 qrup təlimi mart, aprel və may aylarında keçiriləcək

• Sistem üzərindən audio/video/yazılı fərdi məsləhətləşmələr (hər şirkət üçün 5 saat) mart, aprel, may və iyun aylarında mümkün olacaq

Təlimlərin mövzuları:

1. Bazarların təqdimatı (hansı məhsullara uyğundur, xüsusi bazarların üstünlükləri, necə qeydiyyatdan keçməli və qeydiyyat üçün tələblər, ödəniş imkanları);

2. Səhifənin yaradılması, siyahıya salınması və məhsulun yerləşdirilməsi;

3. Rəqəmsal marketinq strategiyası;

4. Müştəri dəstəyi;

5. Brend və hesabın bloklanmasının səbəbləri, habelə vergi və gömrük prosedurları.

Şirkətlərin seçilməsi üçün əsas meyarlar:

• Seçilmiş bazarda mövcud hesabın olmaması;

• Yerli və ya qlobal bazarda təcrübə;

• E-ticarət üçün seçilmiş məhsulun təhlükəsiz, gömrük və sertifikatlaşdırma probleminin olmaması;

• Məhsulun saxlama müddəti;

• Təlimlərə vaxt ayırmaq imkanı;

• İngilis dili biliyi.

 

Qeydiyyat üçün link: https://bit.ly/3ZArEpR

EU4Digital təşəbbüsü ilə Azərbaycan şirkətləri üçün e-ticarət konsultasiya mərkəzi fəaliyyətə başlayacaq

Şriftin ölçüsü

A A A

Saytın rəngi

R R R