“Enterprise Azerbaijan” Alman Süni İntellektin Araşdırma Mərkəzi ilə əməkdaşlıq edəcək
İqtisadi İslahatların Təhlili və Kommunikasiya Mərkəzinin (İİTKM) operatoru olduğu “Enterprise Azerbaijan” portalı növbəti “Startup School” layihəsini həyata keçirmək üçün Alman Süni İntellektin Araşdırma Mərkəzi (ASİAM) ilə əməkdaşlıq edəcək. Bu çərçivədə İİTKM-in icraçı direktoru, professor Vüsal Qasımlı ASİAM-ın elmi işçisi, Dr.Nicat Mehdiyevi qəbul edib.
V.Qasımlı İİTKM-in fəaliyyəti, həyata keçirdiyi layihələr, o cümlədən “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”nın monitorinq və qiymətləndirilməsi prosesi barədə məlumat verib. İcraçı direktor monitorinq və qiymətləndirmə sahəsində süni intellektdən istifadə imkanlarının mümkünlüyünü qeyd edib.
N.Mehdiyev də öz növbəsində təmsil etdiyi qurumun fəaliyyəti, həmçinin süni intellektin tətbiq sahələri barədə danışıb.
“Enterprise Azerbaijan” portalının rəhbəri Mətanət Musayeva isə birinci “Startup School” layihəsi barədə məlumat verib. O, növbəti “Startup School” layihəsində süni intellekt sahəsində ixtisaslaşan startaplara dəstək verilə biləcəyini və “Enterprise Azerbaijan”ın bu sahədə əməkdaşlığa hazır olduğunu bildirib.
Görüş çərçivəsində əməkdaşlığın perspektivləri müzakirə olunub.
Qeyd edək ki, birgə həyata keçirilməsi nəzərdə tutulan layihədə məqsəd yerli startapları inkişaf etdirməklə Böyük Qayıdışa dair I Dövlət Proqramının icrası zamanı qarşıya çıxa biləcək çağırışların süni intellekt vasitəsilə həllinə nail olmaq, Azərbaycanda gənclərin süni intellektlə bağlı bilik və bacarıqlarını artırmaq, innovasiya mədəniyyətini və texnologiya savadını inkişaf etdirməklə insan resurslarının inkişafına töhfə verməkdir.



Ekspert yazıları
Lətif Zeynallı
Strateji planlaşdırma şöbəsinin aparıcı məsləhətçisi
Azərbaycan-Almaniya strateji tərəfdaşlığında yeni perspektivlər: Yaşıl gələcəyə doğru
Ayaz Museyibov
İİTKM-in icraçı direktorunun müavini
Süni intellektə strateji baxış ölkənin rəqəmsal gələcəyinin möhkəmlənməsində mühüm rol oynayacaq
İsa Qasımov
“Enterprise Azerbaijan” portalının rəhbəri
Sosial sahibkarlıq iqtisadiyyatın dayanıqlılığı üçün mühüm vasitədir
Aqil Əsədov
Strateji planlaşdırma şöbəsinin müdiri
İğdır-Naxçıvan qaz kəməri: sosial-iqtisadi, siyasi və strateji əhəmiyyəti
Nicat Hacızadə
İİTKM-in şöbə müdiri
Azərbaycan-Çin iqtisadi əlaqələrinin inkişafı ixrac bazarlarına müsbət təsir göstərəcək
Aygün Əhmədova
Strateji planlaşdırma şöbəsinin baş məsləhətçisi
Davos 2025: “İntellektual əsrdə sənayelər”
Elnur Ələkbərov
İqtisadi təhlil şöbəsinin müdir müavini
Davos 2025 “İnsanlara investisiya”